ഫുട്ബോളിനെ ഇഷ്ടപ്പെടുന്നവർ മോഡ്രിച്ചിനെയും ഇഷ്ടപ്പെടുന്നു, അദ്ദേഹത്തെ കളത്തിൽ കാണുന്നത് തന്നെ ഒരു സന്തോഷമാണ്: പുകഴ്ത്തി അർജന്റീന പരിശീലകൻ!

ഖത്തർ വേൾഡ് കപ്പിൽ ഇന്ന് നടക്കുന്ന സെമി ഫൈനൽ പോരാട്ടത്തിൽ അർജന്റീനയും ക്രൊയേഷ്യയും തമ്മിലാണ് ഏറ്റുമുട്ടുന്നത്.ഒരു തകർപ്പൻ പോരാട്ടമാണ് ആരാധകർ പ്രതീക്ഷിക്കുന്നത്. ഫുട്ബോൾ ലോകത്തെ ഇതിഹാസങ്ങളായ ലയണൽ മെസ്സിയും ലുക്ക മോഡ്രിച്ചും മുഖാമുഖം വരുന്നു എന്നുള്ള പ്രത്യേകത കൂടി ഈ മത്സരത്തിനുണ്ട്.

ഈ മത്സരത്തിന് മുന്നോടിയായുള്ള പത്രസമ്മേളനത്തിൽ ലുക്ക മോഡ്രിച്ചിനെ വളരെയധികം പുകഴ്ത്തി കൊണ്ടാണ് അർജന്റീനയുടെ പരിശീലകനായ ലയണൽ സ്കലോണി സംസാരിച്ചിട്ടുള്ളത്. ഫുട്ബോളിനെ ഇഷ്ടപ്പെടുന്നവർ മോഡ്രിച്ചിനെയും ഇഷ്ടപ്പെടുന്നുവെന്നും അദ്ദേഹത്തെ കളത്തിൽ കാണുന്നത് തന്നെ ഒരു സന്തോഷമാണ് എന്നുമാണ് സ്കലോണി പറഞ്ഞിട്ടുള്ളത്.അർജന്റീന പരിശീലകന്റെ വാക്കുകൾ ഇങ്ങനെയാണ്.

” മോഡ്രിച്ചിനെ കളത്തിൽ കാണുന്നതും അദ്ദേഹത്തിന്റെ കളി വീക്ഷിക്കുന്നതുമൊക്കെ സന്തോഷം നൽകുന്ന ഒരു കാര്യമാണ്. എല്ലാവർക്കും ഒരു ഉദാഹരണമാണ് മോഡ്രിച്ച്. അത് അദ്ദേഹത്തിന്റെ ഫുട്ബോൾ കാരണം മാത്രമല്ല, അദ്ദേഹത്തിന്റെ പെരുമാറ്റവും ബഹുമാനവും അതിന് കാരണമാണ്. തീർച്ചയായും ആരൊക്കെയാണോ ഫുട്ബോളിന് ഇഷ്ടപ്പെടുന്നത് അവരൊക്കെ മോഡ്രിച്ചിനെ പോലെയുള്ള താരങ്ങളെ കളിക്കളത്തിൽ കാണുന്നതും ഇഷ്ടപ്പെടുന്നു ” ഇതാണ് അർജന്റീനയുടെ കോച്ച് പറഞ്ഞിട്ടുള്ളത്.

വളരെയധികം ബഹുമാനത്തോടുകൂടിയാണ് സ്കലോണി മോഡ്രിച്ചിനെ കുറിച്ച് സംസാരിച്ചിട്ടുള്ളത്. കഴിഞ്ഞ ബ്രസീലിനെതിരെയുള്ള മത്സരത്തിൽ തകർപ്പൻ പ്രകടനം നടത്തിക്കൊണ്ട് ഏവരുടെയും കയ്യടി വാങ്ങിയ താരം കൂടിയാണ് മോഡ്രിച്ച്.