പ്രതിസന്ധി ഘട്ടത്തിലും ഉറ്റ സുഹൃത്തായ നെയ്മർക്ക് താങ്ങായി മെസ്സി!

സൂപ്പർ താരം നെയ്മർ ജൂനിയർ ഒരു പ്രതിസന്ധിഘട്ടത്തിലൂടെയാണ് ഇപ്പോൾ കടന്നുപോയിക്കൊണ്ടിരിക്കുന്നത്. കഴിഞ്ഞ വേൾഡ് കപ്പ് യോഗ്യത മത്സരത്തിൽ നെയ്മർക്ക് അതി ഗുരുതരമായി പരിക്കേറ്റിരുന്നു. താരത്തിന്റെ കാൽമുട്ടിനായിരുന്നു പരിക്ക്.പരിക്ക് ഗുരുതരമാണ് എന്നുള്ളത് നേരത്തെ തന്നെ റിപ്പോർട്ടുകൾ വന്നിരുന്നു.

അതിന്റെ കൂടുതൽ വിശദാംശങ്ങൾ ഇപ്പോഴാണ് പുറത്തേക്ക് വന്നിട്ടുള്ളത്. സർജറിക്ക് വിധേയനാകുന്ന നെയ്മർക്ക് ഒരുപാട് കാലം വിശ്രമം എടുക്കേണ്ടിവരും.ഈ സീസൺ തന്നെ അദ്ദേഹത്തിന് നഷ്ടമാകും എന്നാണ് ഇപ്പോൾ റിപ്പോർട്ടുകൾ. ഇപ്പോഴിതാ തന്റെ സുഹൃത്തായ നെയ്മർ ജൂനിയർക്ക് പിന്തുണയുമായി കൊണ്ട് ലയണൽ മെസ്സി വന്നിട്ടുണ്ട്.ഇൻസ്റ്റഗ്രാമിലൂടെയാണ് മെസ്സി പിന്തുണ അറിയിച്ചിട്ടുള്ളത്.

നെയ്മർ ജൂനിയർക്കൊപ്പം നിൽക്കുന്ന ഒരു ചിത്രം ലയണൽ മെസ്സി instagram സ്റ്റോറിയിൽ പങ്കുവെച്ച് കഴിഞ്ഞു. ഒരുപാട് സ്‌ട്രെങ്ത്ത് പകരുന്നു എന്നാണ് മെസ്സി ഇതിന്റെ ക്യാപ്ഷൻ ആയി കൊണ്ട് കുറിച്ചിരിക്കുന്നത്. ബുദ്ധിമുട്ടിലൂടെ കടന്നുപോകുന്ന നെയ്മർക്ക് എല്ലാവിധ പിന്തുണയും അറിയിക്കുകയാണ് മെസ്സി ഇതിലൂടെ ചെയ്തിട്ടുള്ളത്. ഒരുപാട് കാലമായി തുടരുന്ന ഒരു സൗഹൃദബന്ധമാണ് മെസ്സിയുടെയും നെയ്മറുടെയും.