പരാഗ്വയെയും കീഴടക്കി, അർജന്റീന ക്വാർട്ടറിൽ!

തുടർച്ചയായ രണ്ടാം ജയം നേടി വമ്പൻമാരായ അർജന്റീന കോപ്പ അമേരിക്കയുടെ ക്വാർട്ടർ ഫൈനലിൽ പ്രവേശിച്ചു. പരാഗ്വയെ എതിരില്ലാത്ത ഒരു ഗോളിന് കീഴടക്കി കൊണ്ടാണ് അർജന്റീന ക്വാർട്ടർ ഉറപ്പിച്ചത്. അർജന്റീനയുടെ വിജയഗോൾ നേടിയത് പപ്പു ഗോമസായിരുന്നു.ജയത്തോടെ ഗ്രൂപ്പിലെ ഒന്നാം സ്ഥാനം അരക്കിട്ടുറപ്പിക്കാനും അർജന്റീനക്ക് സാധിച്ചു.മൂന്ന് മത്സരങ്ങളിൽ നിന്ന് ഏഴ് പോയിന്റാണ് അർജന്റീനയുടെ സമ്പാദ്യം.അഞ്ച് പോയിന്റുള്ള ചിലിയാണ് രണ്ടാമത്. ഇനി ബൊളീവിയക്കെതിരെയാണ് അർജന്റീനയുടെ മത്സരം.

ഡിമരിയ, പപ്പു ഗോമസ്, അഗ്വേറോ എന്നിവരെ ആദ്യഇലവനിൽ ഉൾപ്പെടുത്തികൊണ്ടാണ് പപ്പു ഗോമസ് ടീം പുറത്ത് വിട്ടത്.മത്സരത്തിന്റെ പത്താം മിനുട്ടിൽ തന്നെ അർജന്റീന ലീഡ് നേടി.ഡി മരിയ നീക്കി നൽകിയ പന്ത് പപ്പു ഗോമസ് ഫിനിഷ് ചെയ്യുകയായിരുന്നു.ആദ്യപകുതിയുടെ അവസാനനിമിഷം അർജന്റീന ഒരു ഗോൾ കൂടി നേടിയെങ്കിലും അത്‌ ഓഫ്‌സൈഡ് വിധിക്കുകയായിരുന്നു.എന്നാൽ രണ്ടാം പകുതിയിൽ പരാഗ്വ മത്സരത്തിലേക്ക് തിരിച്ചു വന്നു. കളിയുടെ നിയന്ത്രണമേറ്റെടുത്തുവെങ്കിലും ഗോൾ നേടാൻ അവർക്കായില്ല. ഇതോടെ ഏകപക്ഷീയമായ ഒരു ഗോളിന് അർജന്റീന വിജയം കൈവരിക്കുകയായിരുന്നു.