നെയ്മർ ബ്രസീൽ ടീമിനോട് വിടപറയുന്നു,പത്താം നമ്പർ തന്നോട് എടുക്കാൻ പറഞ്ഞെന്ന് സൂപ്പർ താരം!

ഈ വരുന്ന ഖത്തർ വേൾഡ് കപ്പ് ഒരുപക്ഷെ തന്റെ അവസാനത്തെ വേൾഡ് കപ്പായിരിക്കുമെന്ന് ഈയിടെ ബ്രസീലിയൻ സൂപ്പർതാരമായ നെയ്മർ ജൂനിയർ ഒരു ഡോക്യുമെന്ററിയിൽ വെളിപ്പെടുത്തിയിരുന്നു. അധികകാലം ബ്രസീൽ ടീമിൽ ഉണ്ടാവില്ല എന്ന സൂചനകളായിരുന്നു നെയ്മർ നൽകിയിരുന്നത്. ഇപ്പോഴിതാ അത് ശരിവെക്കുന്ന രൂപത്തിലുള്ള ഒരു പ്രസ്താവന ബ്രസീലിയൻ സൂപ്പർതാരമായ റോഡ്രിഗോ നടത്തിയിട്ടുണ്ട്.

അതായത് ബ്രസീലിയൻ ടീമിൽ അധികകാലം ഉണ്ടാവില്ലെന്നും ബ്രസീലിന്റെ പത്താം നമ്പർ ജേഴ്സി എടുക്കാൻ നെയ്മർ ജൂനിയർ തന്നോട് പറഞ്ഞു എന്നുമാണ് റോഡ്രിഗോ പറഞ്ഞത്. അദ്ദേഹത്തിന്റെ വാക്കുകളെ ESPN റിപ്പോർട്ട് ചെയ്യുന്നത് ഇങ്ങനെയാണ്.

“ബ്രസീലിയൻ ദേശീയ ടീമിനോട് ഉടനെ തന്നെ താൻ വിടപറയുകയാണ് എന്നുള്ള കാര്യം നെയ്മർ ജൂനിയർ എന്നോട് പറഞ്ഞു. മാത്രമല്ല പത്താം നമ്പർ ജേഴ്സി എനിക്കുള്ളതാണെന്നും നെയ്മർ അറിയിച്ചു.അദ്ദേഹത്തോട് എന്ത് പറയണമെന്ന് എനിക്ക് അറിയില്ലായിരുന്നു. ഞാനാകെ ആശയക്കുഴപ്പത്തിലായി.അദ്ദേഹം ഇപ്പോൾ തന്നെ കളി അവസാനിപ്പിക്കാൻ ഞാൻ ഒരിക്കലും ആഗ്രഹിക്കുന്നില്ല. അതുകൊണ്ടുതന്നെ ഇനിയും കൂടുതൽ കാലം കളിക്കാൻ ഞാൻ നെയ്മറുടെ അഭ്യർത്ഥിച്ചു. അപ്പോൾ നെയ്മർ ചിരിക്കുകയാണ് ചെയ്തത് ” ഇതാണ് റോഡ്രിഗോ പറഞ്ഞത്.

30കാരനായ നെയ്മർ ബ്രസീലിന് വേണ്ടി ആകെ 74 ഗോളുകൾ കരസ്ഥമാക്കിയിട്ടുണ്ട്.പെലെയുടെ റെക്കോർഡ് മറികടക്കുന്നതിന്റെ തൊട്ടരികിലാണ് നിലവിൽ നെയ്മറുള്ളത്.