നെയ്മറെ പിന്തുണക്കൂ, ബ്രസീലിയൻ ആരാധകരെ ഉപദേശിച്ച് മുൻ താരം!
കോപ്പ അമേരിക്ക ഫൈനലിൽ ബ്രസീലും അർജന്റീനയും ഏറ്റുമുട്ടുമ്പോൾ അവിടെ മറ്റൊരു മത്സരം അരങ്ങേറുന്നുണ്ട്. മറ്റേതുമല്ല, മെസ്സിയും നെയ്മറും തമ്മിലുള്ള പോരാട്ടമാണ് അത്‌. ഇരുവരും ഇതുവരെ കോപ്പ അമേരിക്കയിൽ മുത്തമിട്ടിട്ടില്ല. അത്കൊണ്ട് തന്നെ ആര് കോപ്പ ആദ്യം കരസ്ഥമാക്കുമെന്നറിയാനുള്ള കാത്തിരിപ്പിലാണ് ആരാധകർ. ഏതായാലും അർജന്റൈൻ നായകനായ ലയണൽ മെസ്സിക്ക് പിന്തുണയറിയിച്ച ബ്രസീലിയൻ ആരാധകർക്ക്‌ ഉപദേശവുമായി രംഗത്ത് വന്നിരിക്കുകയാണ് മുൻ ബ്രസീലിയൻ താരമായ എഡു. എന്ത്‌കൊണ്ടാണ് ബ്രസീലിയൻസ് മെസ്സിയെ പിന്തുണക്കുന്നത് എന്നറിയില്ലെന്നും ബ്രസീലിന്റെ ടെക്നിക്കൽ നായകനായ നെയ്മറെ പിന്തുണക്കൂ എന്നുമാണ് ഇദ്ദേഹം അറിയിച്ചിരിക്കുന്നത്. സ്പാനിഷ് മാധ്യമമായ മാർക്കയാണ് ഇക്കാര്യം റിപ്പോർട്ട്‌ ചെയ്തിട്ടുള്ളത്.
” എല്ലാ ബ്രസീലിയൻസും ദേശീയ ടീമിനെയും നെയ്മറെയും പിന്തുണക്കണം.ബ്രസീലിന്റെ ടെക്നിക്കൽ ലീഡറാണ് നെയ്മർ.ഗോൾ സ്കോറിങ്ങിൽ അദ്ദേഹം പെലെക്ക് മാത്രം പിറകിലാണ്.എന്ത്‌കൊണ്ടാണ് ബ്രസീലിയൻസ് എതിരാളികളെ പിന്തുണക്കുന്നതെന്ന് എനിക്കറിയില്ല.മെസ്സിക്ക് ഒരുപാട് കാര്യങ്ങൾ ലഭിച്ചിട്ടുണ്ട്. നെയ്മറെക്കാളും ഇന്ട്രെസ്റ്റഡായ കാര്യങ്ങൾ ലഭിച്ചിട്ടുണ്ട്.പക്ഷേ നമുക്കിവിടെ നെയ്മറുണ്ട്.അവർ രണ്ട് പേരും മികച്ച താരങ്ങളാണ് എന്ന് എല്ലാവർക്കുമറിയാം.പക്ഷേ എല്ലാ ബ്രസീലിയൻസും നെയ്മറെയാണ് പിന്തുണക്കേണ്ടത് ” എഡു പറഞ്ഞു.
