നിർണായക ഗോളുകൾ നിങ്ങൾക്ക് മാത്രമല്ല നേടാൻ സാധിക്കുക:ഡി മരിയയോട് ഓട്ടമെന്റി.

ഇന്ന് നടന്ന വേൾഡ് കപ്പ് യോഗ്യത മത്സരത്തിൽ ബ്രസീലിന് തോൽവി ഏറ്റുവാങ്ങേണ്ടി വന്നിരുന്നു.ചിരവൈരികളായ അർജന്റീന ബ്രസീലിനെ പരാജയപ്പെടുത്തുകയായിരുന്നു.മാരക്കാനയിൽ വെച്ചു കൊണ്ടാണ് ഈ തോൽവി ബ്രസീലിനെ വഴങ്ങേണ്ടി വന്നത്. മത്സരത്തിന്റെ രണ്ടാം പകുതിയിൽ നിക്കോളാസ് ഓട്ടമെന്റി നേടിയ ഹെഡർ ഗോളാണ് അർജന്റീനക്ക് വിജയം സമ്മാനിച്ചത്.

ലോ ചെൽസോയുടെ കോർണർ കിക്കിൽ നിന്നായിരുന്നു ഓട്ടമെന്റി ഈ വിജയഗോൾ നേടിയിരുന്നത്. മത്സരശേഷം തമാശരൂപേണ ചില കാര്യങ്ങൾ ഇപ്പോൾ ഓട്ടമെന്റി പറഞ്ഞിട്ടുണ്ട്. നിർണായക ഗോളുകൾ നിങ്ങൾക്ക് മാത്രമല്ല നേടാൻ സാധിക്കുക എന്നാണ് താൻ ഡി മരിയയോട് തമാശക്ക് പറഞ്ഞത് എന്നാണ് ഓട്ടമെന്റി വെളിപ്പെടുത്തിയിട്ടുള്ളത്. അദ്ദേഹത്തിന്റെ വാക്കുകളെ Tyc സ്പോർട്സ് റിപ്പോർട്ട് ചെയ്യുന്നത് ഇങ്ങനെയാണ്.

“ഗോൾ നേടാൻ കഴിഞ്ഞു എന്നത് മനോഹരമായ ഒരു കാര്യമാണ്. ഞാൻ ഡി മരിയയോട് തമാശക്ക് പറഞ്ഞിട്ടുണ്ട്,നിങ്ങൾക്ക് മാത്രമല്ല നിർണായകമായ ഗോളുകൾ നേടാൻ സാധിക്കുകയെന്ന്.ഞങ്ങൾ ഇന്ന് വിജയം സ്വന്തമാക്കി.ഈ സ്റ്റേഡിയം മറക്കാനാവാത്ത നിമിഷങ്ങൾ സമ്മാനിച്ചതിൽ ഞാൻ വളരെയധികം സന്തോഷവാനാണ്.ചരിത്രം കുറിക്കാനാണ് ഞങ്ങളുടെ ടീം എപ്പോഴും ശ്രമിച്ചുകൊണ്ടിരിക്കുക. ഞങ്ങൾ ആഗ്രഹിച്ച ഒരു വിജയമാണ് ഞങ്ങൾ ഇന്ന് നേടിയിട്ടുള്ളത് ” ഇതാണ് ഓട്ടമെന്റി പറഞ്ഞിട്ടുള്ളത്.

കഴിഞ്ഞ മത്സരത്തിൽ ഉറുഗ്വയോട് എതിരില്ലാത്ത രണ്ട് ഗോളുകൾക്ക് അർജന്റീന പരാജയപ്പെട്ടിരുന്നു. അതിൽ നിന്നും തിരിച്ചുവരാൻ ഇപ്പോൾ ഇവർക്ക് സാധിച്ചു കഴിഞ്ഞു. ഇനി അടുത്ത മാർച്ച് മാസത്തിൽ സൗഹൃദ മത്സരങ്ങൾ അർജന്റീന കളിക്കും. അതിനുശേഷം കോപ്പ അമേരിക്ക ടൂർണമെന്റിലാണ് ലയണൽ മെസ്സിയും സംഘവും ഇറങ്ങുക.