തുർക്കി ആരാധകർക്കിടയിലും CR7 തരംഗം!

ഇന്ന് യുവേഫ യൂറോ കപ്പിൽ നടക്കുന്ന മത്സരത്തിൽ പോർച്ചുഗൽ കളിക്കളത്തിലേക്ക് ഇറങ്ങുന്നുണ്ട്.എതിരാളികൾ തുർക്കിയാണ്. ഇന്ന് രാത്രി ഇന്ത്യൻ സമയം 9:30നാണ് ഈയൊരു മത്സരം കാണാൻ സാധിക്കുക. വിജയിക്കുന്നവർക്ക് പ്രീ ക്വാർട്ടർ യോഗ്യത ഉറപ്പാക്കാൻ സാധിക്കും.അതുകൊണ്ടുതന്നെ ഒരു തീപാറും പോരാട്ടമാണ് ഫുട്ബോൾ ലോകം പ്രതീക്ഷിക്കുന്നത്.

ക്രിസ്റ്റ്യാനോ റൊണാൾഡോ തന്നെയാണ് ഈ മത്സരത്തിന്റെ പ്രധാന ആകർഷണം.മത്സരത്തിന്റെ സ്റ്റാർട്ടിങ് ഇലവനിൽ അദ്ദേഹം ഉണ്ടാകും എന്നാണ് പ്രതീക്ഷിക്കപ്പെടുന്നത്. കഴിഞ്ഞ മത്സരത്തിൽ ഗോളടിക്കാൻ സാധിക്കാത്ത റൊണാൾഡോ ഈ മത്സരത്തിൽ ഗോൾ കണ്ടെത്തും എന്നാണ് പ്രതീക്ഷിക്കപ്പെടുന്നത്. വലിയ ഒരു ആരാധക കൂട്ടമാണ് റൊണാൾഡോയെ പിന്തുണക്കാൻ വേണ്ടി മാത്രം ഇപ്പോൾ ജർമ്മനിയിൽ എത്തിയിട്ടുള്ളത്.ജർമ്മനിയിൽ അക്ഷരാർത്ഥത്തിൽ ക്രിസ്ത്യാനോ തരംഗം ആഞ്ഞടിക്കുകയാണ്.

എന്തിനേറെ പറയുന്നു, തുർക്കിഷ് ആരാധകർ പോലും റൊണാൾഡോക്കൊപ്പമാണ്. റൊണാൾഡോയുള്ള ഇഷ്ടം പല തുർക്കി ആരാധകരും പങ്കുവെച്ചിട്ടുണ്ട്. ഏകദേശം നാല് മില്യൺ ആരാധകരാണ് ജർമ്മനിയിലേക്ക് എത്തിച്ചേർന്നിട്ടുള്ളത്.ക്രിസ്റ്റ്യാനോ ട്രെയിനിങ് നടത്തുന്നതിന്റെ സമീപത്തും അദ്ദേഹത്തിന്റെ ഹോട്ടലിന്റെ സമീപത്തും നിരവധി തുർക്കി ആരാധകർ അദ്ദേഹത്തെ കാണാൻ വേണ്ടി തടിച്ചു കൂടിയിരുന്നു. അതിൽ ഏറ്റവും കൂടുതൽ ശ്രദ്ധ നേടിയത് മെർറ്റ് എന്ന ആരാധകനാണ്.

തുർക്കിയിൽ ജനിച്ച ഇദ്ദേഹം ജർമ്മനിയിലാണ് താമസിക്കുന്നത്.ക്രിസ്റ്റ്യാനോ റൊണാൾഡോയുടെ കടുത്ത ആരാധകനായ ഇദ്ദേഹം റൊണാൾഡോയുടെ സൈൻ തന്റെ കയ്യിൽ ടാറ്റു ചെയ്തിട്ടുണ്ട്.ഇന്നലെ റൊണാൾഡോയെ കാണാൻ അദ്ദേഹം ഹോട്ടലിന് പുറത്ത് ഉണ്ടായിരുന്നു. തുർക്കിയും റൊണാൾഡോയും ഏറ്റുമുട്ടുന്ന ഈ സമയത്ത് റൊണാൾഡോക്കൊപ്പമാണ് താൻ എന്നാണ് മെർറ്റ് പറഞ്ഞിട്ടുള്ളത്. തുർക്കിക്കെതിരെയാണ് കളിക്കുന്നതെങ്കിൽ പോലും റൊണാൾഡോ ഇഷ്ടപ്പെടുന്ന ഒരുപാട് തുർക്കി ആരാധകർ അവിടെയുണ്ടെന്ന് പ്രമുഖ പോർച്ചുഗീസ് മാധ്യമമായ എ ബോല റിപ്പോർട്ട് ചെയ്തിട്ടുണ്ട്.