തകർപ്പൻ ബൈസിക്കിൾ കിക്ക് ഗോളുമായി മാറ്റിയോ മെസ്സി, വീഡിയോ വൈറൽ!

സൂപ്പർ താരം ലയണൽ മെസ്സി കഴിഞ്ഞ സമ്മർ ട്രാൻസ്ഫർ ജാലകത്തിലായിരുന്നു അമേരിക്കൻ ക്ലബ്ബായ ഇന്റർ മയാമിയിൽ എത്തിയത്. മാത്രമല്ല ലയണൽ മെസ്സി തന്നെ മക്കളെ ഇന്റർ മയാമി അക്കാദമിയിൽ ചേർക്കുകയും ചെയ്തിരുന്നു. മൂത്ത മകനായ തിയാഗോ മെസ്സിയും രണ്ടാമത്തെ മകനായ മാറ്റിയോ മെസ്സിയും ഇന്റർ മയാമിയുടെ അക്കാദമി താരങ്ങളാണ്. രണ്ടുപേരും ക്ലബ്ബിന്റെ യൂത്ത് ടീമിന് വേണ്ടി ഇപ്പോൾ കളിച്ചു തുടങ്ങിയിട്ടുണ്ട്.

കഴിഞ്ഞ ദിവസം ആരാധകരെ അമ്പരപ്പിക്കാൻ ലയണൽ മെസ്സിയുടെ രണ്ടാമത്തെ മകനായ മാറ്റിയോ മെസ്സിക്ക് കഴിഞ്ഞിട്ടുണ്ട്. ഇന്റർ മയാമിയുടെ യൂത്ത് ടീമിന് വേണ്ടിയുള്ള മത്സരത്തിൽ തകർപ്പൻ ബൈസിക്കിൾ കിക്ക് ഗോളാണ് മാറ്റിയോ നേടിയിട്ടുള്ളത്.അതിന്റെ വീഡിയോ ഇന്റർ മയാമി തന്നെയാണ് പുറത്തു വിട്ടിരുന്നത്.നിമിഷങ്ങൾക്കകം സോഷ്യൽ മീഡിയയിൽ ഈ വീഡിയോ വൈറലാവുകയും ചെയ്തു.

എതിർ താരം ഹെഡ് ചെയ്ത് ക്ലിയർ ചെയ്യാൻ ശ്രമിച്ചപ്പോൾ നേരെ മാറ്റിയോയിലേക്കാണ് വന്ന് ചേരുന്നത്. ബോക്സിന് വെളിയിൽ വച്ച് മാറ്റിയോ ഒരു കിടിലൻ ബൈസിക്കിൾ കിക്ക് ട്രൈ ചെയ്തു. അത് നേരെ വന്ന് പതിച്ചത് വലയിലാണ്. ഏഴാം നമ്പർ ജേഴ്സി അണിഞ്ഞിരുന്ന മാറ്റിയോ മെസ്സി ഒരു കിടിലൻ ഗോൾ തന്നെയാണ് അതിലൂടെ സ്വന്തമാക്കിയത്. എതിർ താരങ്ങൾ പോലും അവിശ്വസനീയതോട് കൂടി തലയിൽ കൈവെക്കുന്നതും ആ വീഡിയോകളിൽ നിന്നും വളരെ വ്യക്തമാണ്.

ലയണൽ മെസ്സിയെ പോലെയാകുമോ മകനും എന്നാണ് ആരാധകർ ചോദിക്കുന്നത്.തന്റെ മക്കളെക്കുറിച്ച് മിക്ക അഭിമുഖങ്ങളിലും സംസാരിക്കാൻ സമയം കണ്ടെത്തുന്ന വ്യക്തിയാണ് ലയണൽ മെസ്സി.മാറ്റിയോ ഒരല്പം ക്രേസിയാണ് എന്നുള്ള കാര്യം മെസ്സി തന്നെ തുറന്നു പറഞ്ഞിരുന്നു.എപ്പോഴും ശ്രദ്ധ പിടിച്ചു പറ്റാൻ ആഗ്രഹിക്കുന്ന ഒരു വ്യക്തിയാണ് മാറ്റിയോ എന്നായിരുന്നു 2019 നൽകിയ അഭിമുഖത്തിൽ മെസ്സി പറഞ്ഞിരുന്നത്.