ഡിബാലയെ എന്ത്കൊണ്ട് കളിപ്പിക്കുന്നില്ല? സ്കലോണി പറയുന്നു.
ഖത്തർ വേൾഡ് കപ്പിലെ ഗ്രൂപ്പ് ഘട്ടത്തിലെ തങ്ങളുടെ അവസാന മത്സരത്തിനാണ് ഇന്ന് അർജന്റീന ഇറങ്ങുന്നത്.യൂറോപ്യൻ ടീമായ പോളണ്ട് ആണ് അർജന്റീനയുടെ എതിരാളികൾ. ഇന്ന് രാത്രി ഇന്ത്യൻ സമയം 12:30നാണ് ഈയൊരു മത്സരം നടക്കുക.പ്രീ ക്വാർട്ടറിൽ പ്രവേശിക്കണമെങ്കിൽ അർജന്റീനക്ക് വിജയം നിർബന്ധമാണ്.
കഴിഞ്ഞ രണ്ട് മത്സരങ്ങളിലും സൂപ്പർതാരമായ പൗലോ ഡിബാലയെ അർജന്റീന കളിപ്പിച്ചരുന്നില്ല. ഇതിന്റെ ഒരു കാരണം ഇപ്പോൾ അർജന്റീനയുടെ പരിശീലകനായ ലയണൽ സ്കലോണി തുറന്നു പറഞ്ഞിട്ടുണ്ട്. അതായത് ഡിബാല കളിക്കാത്തത് ഒരു ടെക്നിക്കൽ തീരുമാനമാണ് എന്നാണ് അർജന്റീന കോച്ച് പറഞ്ഞിട്ടുള്ളത്.ഇന്നലത്തെ പത്രസമ്മേളനത്തിൽ സംസാരിക്കുകയായിരുന്നു അദ്ദേഹം.സ്കലോണിയുടെ വാക്കുകൾ ഇങ്ങനെയാണ്.
Lionel Scaloni on why Paulo Dybala hasn't played at the World Cup: "It's a tactical decision. Paulo is good, from the point of view that Argentina won. He surely wants to play like all of his team mates. Now we decide this, we will see the next match." pic.twitter.com/y7C4ivnTZ1
— Roy Nemer (@RoyNemer) November 29, 2022
” ഡിബാലയെ കളിപ്പിക്കാത്തത് ഒരു ടെക്നിക്കൽ ഡിസിഷൻ മാത്രമാണ്. അർജന്റീന വിജയിച്ചു എന്നുള്ള കാര്യത്തിൽ ഡിബാല ഓക്കേയാണ്. തന്റെ എല്ലാ സഹതാരങ്ങളെ പോലെയും അദ്ദേഹവും കളിക്കാൻ ഇഷ്ടപ്പെടുന്നുണ്ട്.തീർച്ചയായും ഞങ്ങളാണ് തീരുമാനിക്കേണ്ടത്. നമുക്ക് അടുത്ത മത്സരത്തിൽ നോക്കാം ” ഇതാണ് അർജന്റീന പരിശീലകൻ പറഞ്ഞിട്ടുള്ളത്.
ഏതായാലും ഇന്നത്തെ മത്സരത്തിന്റെ ആദ്യ ഇലവനിൽ ഡിബാല ഉണ്ടായേക്കില്ല. ഇന്നത്തെ മത്സരത്തിൽ അർജന്റീനക്ക് വിജയം അനിവാര്യമാണ്. അതുകൊണ്ടുതന്നെ ഡിബാലയെ പരീക്ഷിക്കുമോ എന്നുള്ളത് കണ്ടറിയേണ്ട കാര്യമാണ്.
