ഞങ്ങളാണ് മികച്ചു നിന്നത്, പക്ഷേ കിട്ടിയ അവസരം അവർ മുതലെടുത്തു :തോൽവിയെക്കുറിച്ച് ബ്രസീൽ താരം.

ഇന്ന് നടന്ന വേൾഡ് കപ്പ് യോഗ്യത മത്സരത്തിൽ ബ്രസീലിന് തോൽവി ഏറ്റുവാങ്ങേണ്ടി വന്നിരുന്നു.ചിരവൈരികളായ അർജന്റീന ബ്രസീലിനെ പരാജയപ്പെടുത്തുകയായിരുന്നു.മാരക്കാനയിൽ വെച്ചു കൊണ്ടാണ് ഈ തോൽവി ബ്രസീലിനെ വഴങ്ങേണ്ടി വന്നത്. മത്സരത്തിന്റെ രണ്ടാം പകുതിയിൽ നിക്കോളാസ് ഓട്ടമെന്റി നേടിയ ഹെഡർ ഗോളാണ് അർജന്റീനക്ക് വിജയം സമ്മാനിച്ചത്.

ഈ മത്സരത്തിൽ മികച്ച പ്രകടനം ബ്രസീൽ നടത്തിയിരുന്നു എന്നത് ഒരു യാഥാർത്ഥ്യമാണ്.എന്നാൽ ഗോളടിക്കാനാവാതെ പോയത് അവർക്ക് തിരിച്ചടിയാവുകയായിരുന്നു. ഇതേക്കുറിച്ച് ബ്രസീലിയൻ സൂപ്പർതാരമായ ഗബ്രിയേൽ മഗല്ലസ് ചില കാര്യങ്ങൾ പറഞ്ഞിട്ടുണ്ട്. അതായത് അർജന്റീനയേക്കാൾ കൂടുതൽ അവസരങ്ങൾ തങ്ങൾക്ക് ലഭിച്ചുവെന്നും എന്നാൽ കിട്ടിയ അവസരം അവർ ഗോളാക്കി മാറ്റി എന്നുമാണ് മഗല്ലസ് പറഞ്ഞിട്ടുള്ളത്.അദ്ദേഹത്തിന്റെ വാക്കുകൾ ഇങ്ങനെയാണ്.

” ആദ്യം ഞാൻ ഞങ്ങളുടെ ടീമിന് തന്നെ അഭിനന്ദനങ്ങള്‍ നേരട്ടെ. മികച്ച പ്രകടനം ഞങ്ങൾ നടത്തി. ഈ സമയത്തും ഞങ്ങൾ ഐക്യത്തോടെ കൂടി ഒരുമിച്ച് നിൽക്കുകയാണ്.അർജന്റീനയെക്കാൾ കൂടുതൽ അവസരങ്ങൾ ഞങ്ങൾക്കാണ് ലഭിച്ചത്.അവർക്ക് ലഭിച്ച ഒരേയൊരു അവസരം അവർ ഗോളാക്കി മാറ്റുകയും ചെയ്തു. അതൊരു സെറ്റ് പീസുമായിരുന്നു ” ഇതാണ് ബ്രസീലിന്റെ ഡിഫൻഡർ പറഞ്ഞിട്ടുള്ളത്.

സെറ്റ് പീസുകളിൽ നിന്ന് ബ്രസീൽ ഗോൾ വഴങ്ങുന്നത് ഇപ്പോൾ തുടർന്നുകൊണ്ടിരിക്കുകയാണ്. അവസാനമായി കളിച്ച മൂന്നു മത്സരങ്ങളിലും ബ്രസീൽ ഇപ്പോൾ പരാജയപ്പെട്ടു കഴിഞ്ഞു. അടുത്ത മാർച്ച് മാസത്തിൽ സൗഹൃദമത്സരമാണ് ഇനി ബ്രസീൽ കളിക്കുക.യൂറോപ്പ്യൻ വമ്പൻമാരായ ഇംഗ്ലണ്ടിനെതിരെ ഒരു മത്സരം ബ്രസീൽ കളിക്കുന്നുണ്ട്.