ഖത്തർ വേൾഡ് കപ്പിൽ ഒരേ റെക്കോർഡ് കരസ്ഥമാക്കാൻ മെസ്സിയും ക്രിസ്റ്റ്യാനോയും!

ഈ വരുന്ന ഖത്തർ വേൾഡ് കപ്പിന് യോഗ്യത നേടാൻ അർജന്റീനക്കും പോർച്ചുഗല്ലിനും സാധിച്ചിരുന്നു. ലാറ്റിനമേരിക്കൻ വേൾഡ് കപ്പ് യോഗ്യത റൗണ്ടിൽ രണ്ടാം സ്ഥാനക്കാരായി കൊണ്ടാണ് അർജന്റീന യോഗ്യത നേടിയത്.അതേസമയം പ്ലേ ഓഫ് കളിച്ചു കൊണ്ടാണ് പോർച്ചുഗൽ യോഗ്യത കരസ്ഥമാക്കിയത്.

ഏതായാലും ഖത്തർ വേൾഡ് കപ്പ് കളിക്കുന്നതോടുകൂടി സൂപ്പർതാരങ്ങളായ ലയണൽ മെസ്സിക്കും ക്രിസ്റ്റ്യാനോ റൊണാൾഡോക്കും ഒരു റെക്കോർഡ് സ്വന്തമാക്കാൻ കഴിയും. ഏറ്റവും കൂടുതൽ വേൾഡ് കപ്പുകളിൽ പങ്കെടുത്ത താരങ്ങൾ എന്ന റെക്കോർഡാണ് സ്വന്തമാക്കുക. ഇരുവരും അഞ്ചാമത്തെ വേൾഡ് കപ്പിനാണ് ഒരുങ്ങുന്നത്. വേറെയും ചില താരങ്ങൾ ഈ റെക്കോർഡ് സ്വന്തമാക്കാനുള്ള ഒരുക്കത്തിലാണ്,മറ്റു ചില താരങ്ങൾ നേരത്തെ തന്നെ ഇത് സ്വന്തമാക്കിയിട്ടുണ്ട്.

2006 മുതലുള്ള വേൾഡ് കപ്പുകളിൽ പങ്കെടുക്കാൻ ക്രിസ്റ്റ്യാനോക്ക് കഴിഞ്ഞിട്ടുണ്ട്.ആകെ 17 വേൾഡ് കപ്പ് മത്സരങ്ങളാണ് താരം കളിച്ചിട്ടുള്ളത്. അതേസമയം സൂപ്പർ താരം ലയണൽ മെസ്സിയും 2006 മുതലുള്ള വേൾഡ് കപ്പുകളിൽ പങ്കെടുത്തിട്ടുണ്ട്.19 മത്സരങ്ങളാണ് മെസ്സി വേൾഡ് കപ്പിൽ ആകെ കളിച്ചിട്ടുള്ളത്.

മെക്സിക്കൻ താരങ്ങളായ ഗില്ലർമോ ഒച്ചോവ,ആൻഡ്രസ് ഗ്വർഡാഡോ എന്നിവർ അഞ്ചാമത്തെ വേൾഡ് കപ്പ് കളിക്കാനുള്ള ഒരുക്കത്തിലാണ്.അന്റോണിയോ കാർബജൽ,ജിയാൻ ലൂയിജി ബുഫൺ,റഫയേൽ മാർക്കെസ്,ലോതർ മത്തേവൂസ് എന്നിവർ നേരത്തെ തന്നെ അഞ്ചു തവണ വേൾഡ് കപ്പ് കളിച്ചിട്ടുണ്ട്.

ഏതായാലും മെസ്സിയുടെയും ക്രിസ്റ്റ്യാനോയുടെയും വേൾഡ് കപ്പിലെ പ്രകടനം കാണാനുള്ള കാത്തിരിപ്പിലാണ് ആരാധകരുള്ളത്.