ഖത്തർ വേൾഡ് കപ്പിലെ ഏറ്റവും വലിയ ഫേവറേറ്റുകൾ ബ്രസീലും ഫ്രാൻസും : തുറന്ന് പറഞ്ഞ് മെസ്സി!

വരുന്ന ഖത്തർ വേൾഡ് കപ്പിൽ ഏറ്റവും കൂടുതൽ കിരീട സാധ്യത കൽപ്പിക്കപ്പെടുന്ന ടീമുകളിൽ ഒന്നാണ് അർജന്റീന.ലയണൽ മെസ്സിയും സംഘവും ഇപ്പോൾ തകർപ്പൻ ഫോമിൽ ആണ് മുന്നോട്ടുപോകുന്നത്.അവസാനമായി കളിച്ച 35 മത്സരങ്ങളിൽ ഒന്നിൽ പോലും പരാജയം അറിയേണ്ടി വന്നിട്ടില്ല എന്നുള്ളത് അർജന്റീനയുടെ ആത്മവിശ്വാസം വളരെയധികം ഉയർത്തുന്ന ഒരു കാര്യമാണ്.

ലയണൽ മെസ്സിയോട് കഴിഞ്ഞ അഭിമുഖത്തിൽ വരുന്ന വേൾഡ് കപ്പിലെ ഫേവറേറ്റുകൾ ആരാണ് എന്ന് ചോദിക്കപ്പെട്ടിരുന്നു.ലോക ഫുട്ബോളിലെ വമ്പൻമാരായ ബ്രസീൽ, ഫ്രാൻസ് എന്നിവരെയാണ് മെസ്സി ഇപ്പോൾ ഏറ്റവും കൂടുതൽ കിരീട സാധ്യത ഉള്ള ടീമുകളായി കണക്കാക്കുന്നത്. അതേസമയം അർജന്റീനയെ കുറിച്ച് മെസ്സി പരാമർശിച്ചിട്ടില്ല. മെസ്സിയുടെ വാക്കുകളെ ESPN റിപ്പോർട്ട് ചെയ്യുന്നത് ഇങ്ങനെയാണ്.

” ഒരുപാട് മികച്ച ടീമുകൾ ഇത്തവണയുണ്ട്. പക്ഷേ ഏറ്റവും വലിയ കിരീട ഫേവറൈറ്റുകളെ തിരഞ്ഞെടുക്കാൻ എന്നോട് ആവശ്യപ്പെട്ടാൽ ഞാൻ ബ്രസീലിനെയും ഫ്രാൻസിനെയും തിരഞ്ഞെടുക്കും.കഴിഞ്ഞ യൂറോ കപ്പിലെ പ്രകടനം മാറ്റി നിർത്തിയാൽ ഒരുപാട് മികച്ച താരങ്ങൾ ഉള്ള ടീമാണ് ഫ്രാൻസ്.ഒരു മികച്ച പരിശീലകനും അവർക്കുണ്ട്. ബ്രസീലിന്റെ കാര്യവും ഇങ്ങനെ തന്നെയാണ്. ഒരുപാട് കാലമായി ഒരേ താരങ്ങളുമായി കളിച്ചുകൊണ്ടിരിക്കുന്ന ടീമുകളാണ് ഇവർ ” ലയണൽ മെസ്സി പറഞ്ഞു.

തീർച്ചയായും അർജന്റീന, ബ്രസീൽ,ഫ്രാൻസ് എന്നിവർക്ക് തന്നെയാണ് എല്ലാവരും ഏറ്റവും കൂടുതൽ കിരീട സാധ്യത കൽപ്പിക്കപ്പെടുന്നത്. അതേസമയം സ്പെയിൻ,ജർമ്മനി, ഇംഗ്ലണ്ട്, പോർച്ചുഗൽ എന്നിവരെയൊന്നും എഴുതിത്തള്ളാൻ കഴിയുകയുമില്ല.