ക്രൊയേഷ്യയെ നേരിടാൻ അർജന്റീന തയ്യാർ, ഇറങ്ങുക ഈ താരങ്ങൾ!

വേൾഡ് കപ്പിലെ ആദ്യ സെമി ഫൈനൽ പോരാട്ടത്തിന് അർജന്റീന ഇന്ന് ഇറങ്ങുകയാണ്. യൂറോപ്പ്യൻ വമ്പൻമാരായ ക്രൊയേഷ്യയാണ് അർജന്റീനയുടെ എതിരാളികൾ. ഇന്ന് രാത്രി ഇന്ത്യൻ സമയം 12:30നാണ് ഈ ആദ്യ സെമി ഫൈനൽ മത്സരം നടക്കുക.

കഴിഞ്ഞ മത്സരത്തിൽ ഹോളണ്ടിനെ പരാജയപ്പെടുത്തി കൊണ്ടാണ് അർജന്റീന ഈ മത്സരത്തിന് വരുന്നത്. ആ മത്സരത്തിൽ 5-3-2 എന്ന ഫോർമേഷനായിരുന്നു പരിശീലകൻ ഉപയോഗിച്ചിരുന്നത്. എന്നാൽ ഈ സെമിഫൈനൽ മത്സരത്തിൽ 4-3-3 എന്ന ഫോർമേഷനിലേക്ക് തന്നെ പരിശീലകനായ സ്കലോണി തിരിച്ചെത്തും.

സസ്പെൻഷനിലുള്ള നിക്കോളാസ് ടാഗ്ലിയാഫിക്കോ,ഗോൺസാലോ മോന്റിയേൽ എന്നിവരെ ഈ മത്സരത്തിന് അർജന്റീനക്ക് ലഭിക്കില്ല. ഒരു പൊസിഷനിൽ മാത്രമാണ് ഇപ്പോൾ സ്കലോണിക്ക് സംശയമുള്ളത്.എൻസോ ഫെർണാണ്ടസ്,ലിയാൻഡ്രോ പരേഡസ് എന്നിവരിൽ ആരെ ഉൾപ്പെടുത്തണമെന്നുള്ള കാര്യത്തിൽ ഇപ്പോഴും അർജന്റീനക്ക് സംശയങ്ങളുണ്ട്.

അതേസമയം ഫിറ്റ്നസ് പ്രശ്നങ്ങൾ ഉണ്ടായിരുന്ന ഡി പോളും ഡി മരിയയും സ്റ്റാർട്ടിങ് ഇലവനിൽ സ്ഥാനം പിടിച്ചേക്കും. അർജന്റീനയുടെ സാധ്യത ഇലവൻ താഴെ നൽകുന്നു.