ക്രിസ്റ്റ്യാനോ Vs ലുക്കാക്കു, നിലവിലെ ചാമ്പ്യൻമാർക്കിന്ന് ഒന്നാം നമ്പറുകാരുടെ വെല്ലുവിളി!

ഈ യൂറോ കപ്പിലെ ഗ്ലാമർ പോരാട്ടങ്ങളിലൊന്നിനാണ് സെവിയ്യയിലെ സ്റ്റേഡിയം ഇന്ന് സാക്ഷ്യം വഹിക്കുക. പ്രീ ക്വാർട്ടർ പോരാട്ടത്തിൽ രണ്ട് വമ്പൻ ടീമുകളാണ് ഇന്ന് കൊമ്പുകോർക്കുന്നത്. നിലവിലെ ചാമ്പ്യൻമാരായ പോർച്ചുഗല്ലിന്റെ എതിരാളികൾ മറ്റാരുമല്ല, ഒന്നാം സ്ഥാനക്കാരായ ബെൽജിയമാണ്. ഇന്ന് രാത്രി ഇന്ത്യൻ സമയം 12:30-നാണ് ഈ തീപാറും പോരാട്ടം കാണാനാവുക.

ഗ്രൂപ്പ്‌ ബിയിലെ ഒന്നാം സ്ഥാനക്കാരായി കൊണ്ടാണ് ബെൽജിയത്തിന്റെ വരവ്.മൂന്നിൽ മൂന്നും വിജയിച്ച ബെൽജിയം മികച്ച ഫോമിലാണ് കളിക്കുന്നത്. എന്നാൽ പോർച്ചുഗൽ ഗ്രൂപ്പ്‌ എഫിൽ നിന്ന് മൂന്നാം സ്ഥാനക്കാരായാണ് പ്രീ ക്വാർട്ടറിലേക്ക് പ്രവേശിച്ചത്.മൂന്ന് മത്സരങ്ങളിൽ നിന്ന് ഒരു ജയം, ഒരു തോൽവി, ഒരു സമനില എന്നിങ്ങനെയായിരുന്നു പോർച്ചുഗല്ലിന്റെ നില.എന്നിരുന്നാലും താരസമ്പന്നമായ പോർച്ചുഗല്ലിനെ എഴുതി തള്ളാൻ സാധിക്കില്ല.

സൂപ്പർ താരങ്ങളായ ക്രിസ്റ്റ്യാനോ റൊണാൾഡോയും റൊമേലു ലുക്കാക്കുവും പരസ്പരം മുഖാമുഖം വരുന്നു എന്നുള്ളതാണ് ഈ മത്സരത്തിന്റെ മറ്റൊരു സവിശേഷത. അഞ്ച് ഗോളുകൾ നേടിയ ക്രിസ്റ്റ്യാനോ റൊണാൾഡോയാണ് നിലവിൽ യൂറോ കപ്പിൽ ടോപ് സ്‌കോറർ.അതേസമയം ലുക്കാക്കുവും മികച്ച ഫോമിലാണ്. മൂന്ന് ഗോളുകൾ ലുക്കാക്കുവും നേടിയിട്ടുണ്ട്. അത്കൊണ്ട് തന്നെ മികച്ച ഒരു പോരാട്ടമാണ് ആരാധകർ പ്രതീക്ഷിക്കുന്നത്. ഇരുടീമുകളുടെയും സാധ്യത ഇലവൻ താഴെ നൽകുന്നു.

Belgium: Courtois; Alderweireld, Vermaelen, Vertonghen; Meunier, De Bruyne, Witsel, T. Hazard; Carrasco, Lukaku, E. Hazard
Out: Castagne (face), Chadli (illness)
Misses next match if booked: T. Hazard

Portugal: Rui Patrício; Nélson Semedo, Rúben Dias, Pepe, Guerreiro; Palhinha, Renato Sanches, João Moutinho; Bernardo Silva, Ronaldo, Diogo Jota
Misses next match if booked: Rúben Dias