ക്രിസ്റ്റ്യാനോയാണ് എന്നാണ് കോലിയുടെ വിചാരം :യുവരാജ് സിങ്ങിന് ഇരുവരെയും കുറിച്ച് പറയാനുള്ളത്.

ഫുട്ബോൾ ചരിത്രത്തിലെ തന്നെ എക്കാലത്തെയും മികച്ച താരങ്ങളിൽ ഒരാളായി കൊണ്ടാണ് സൂപ്പർ താരം ക്രിസ്റ്റ്യാനോ റൊണാൾഡോയെ പരിഗണിക്കപ്പെടുന്നത്. നിരവധി റെക്കോർഡുകൾ അദ്ദേഹത്തിന്റെ പേരിലുണ്ട്.ഇപ്പോഴും കളിക്കളത്തിൽ മികച്ച പ്രകടനം നടത്താൻ റൊണാൾഡോക്ക് സാധിക്കുന്നു. അദ്ദേഹത്തിന്റെ മെന്റാലിറ്റി അത് ഏറെ അത്ഭുതപ്പെടുത്തുന്ന ഒന്നാണ്.

ഇന്ത്യൻ ക്രിക്കറ്റ് സൂപ്പർ താരമായ വിരാട് കോലി ക്രിക്കറ്റ് ചരിത്രത്തിലെ തന്നെ എക്കാലത്തെയും മികച്ച താരങ്ങളിൽ ഒരാളായി കൊണ്ട് പരിഗണിക്കപ്പെടുന്ന താരമാണ്.കോലിയേയും ക്രിസ്റ്റ്യാനോ റൊണാൾഡോയെയും താരതമ്യം ചെയ്തുകൊണ്ട് ചില കാര്യങ്ങൾ ക്രിക്കറ്റ് ലെജൻഡായ യുവരാജ് സിംഗ് പറഞ്ഞിട്ടുണ്ട്. ഒരു പോഡ് കാസ്റ്റിൽ തമാശരൂപേണയാണ് യുവരാജ് ഇരുവരെയും കുറിച്ച് സംസാരിച്ചിട്ടുള്ളത്.അദ്ദേഹത്തിന്റെ വാക്കുകൾ ഇങ്ങനെയാണ്.

” ട്രെയിനിങ് സെഷനുകളിൽ ഞങ്ങൾ ഫുട്ബോൾ കളിക്കാറുണ്ട്.കോലി കരുതുന്നത് അവൻ മികച്ച ഫുട്ബോൾ താരമാണ് എന്നാണ്. പക്ഷേ അവനെക്കാൾ കൂടുതൽ ഫുട്ബോൾ സ്ക്കില്ലുകൾ ഉള്ളത് എനിക്കാണ്. അവൻ ചെറുപ്പമായിരുന്നു, ഒരുപാട് ഓടുമായിരുന്നു,ക്രിസ്റ്റ്യാനോ റൊണാൾഡോയാണ് എന്നായിരുന്നു കോലി കരുതിയിരുന്നത്. എന്നാൽ അങ്ങനെയല്ല. പക്ഷേ ക്രിക്കറ്റിൽ കോലി ഒരു റൊണാൾഡോ തന്നെയാണ്.ഫിറ്റ്നസിന്റെ കാര്യത്തിലും,മെന്റാലിറ്റിയുടെ കാര്യത്തിലും, മത്സരത്തിൽ പുലർത്തുന്ന ശ്രദ്ധയുടെ കാര്യത്തിലുമൊക്കെ വിരാട് കോലിയും ക്രിസ്റ്റ്യാനോ റൊണാൾഡോയും ഒരുപോലെയാണ് ” ഇതാണ് യുവരാജ് സിംഗ് പറഞ്ഞിട്ടുള്ളത്.

കോലിയാണെങ്കിലും റൊണാൾഡോയാണെങ്കിലും തകർപ്പൻ പ്രകടനമാണ് ഇപ്പോൾ നടത്തിക്കൊണ്ടിരിക്കുന്നത്. ഇപ്പോൾ നടക്കുന്ന ക്രിക്കറ്റ് വേൾഡ് കപ്പിൽ 500ൽ പരം റൺസുകൾ നേടാൻ കോലിക്ക് കഴിഞ്ഞിട്ടുണ്ട്. റൊണാൾഡോയുടെ കാര്യത്തിലേക്ക് വന്നാൽ സൗദി ലീഗിൽ 12 മത്സരങ്ങൾ മാത്രം കളിച്ച അദ്ദേഹം 19 ഗോളുകളിൽ പങ്കാളിത്തം വഹിച്ചു കഴിഞ്ഞു.