കേരളത്തിന് നന്ദി പറഞ്ഞ് മെസ്സിപ്പട!

ഖത്തർ വേൾഡ് കപ്പിന്റെ ഫൈനൽ മത്സരത്തിൽ ഫ്രാൻസിനെ പരാജയപ്പെടുത്തിക്കൊണ്ട് അർജന്റീന കിരീടം സ്വന്തമാക്കിയിരുന്നു.പെനാൽറ്റി ഷൂട്ടൗട്ടിലായിരുന്നു അർജന്റീന വിജയം സ്വന്തമാക്കിയത്. ഒരു തകർപ്പൻ ത്രില്ലർ പോരാട്ടമാണ് വേൾഡ് കപ്പ് ഫൈനലിൽ ഫുട്ബോൾ ആരാധകർ വീക്ഷിച്ചത്. ഒടുവിൽ ലയണൽ മെസ്സി ആ കിരീടം നേടുകയായിരുന്നു.

ലോകമെമ്പാടുമുള്ള അർജന്റീന ആരാധകർ ഏറെ ആഗ്രഹിച്ച കിരീടമാണ് ഇപ്പോൾ മെസ്സിയും സംഘവും നേടിയിട്ടുള്ളത്. അതുകൊണ്ടുതന്നെ ലോകത്തിന്റെ പല കോണുകളിലും വലിയ രൂപത്തിലുള്ള ആഘോഷങ്ങൾ ഉണ്ടായിരുന്നു.പ്രത്യേകിച്ച് ഏഷ്യൻ രാജ്യമായ ബംഗ്ലാദേശിൽ വലിയ രൂപത്തിലുള്ള അർജന്റീന ആരാധക കൂട്ടായ്മയുണ്ട്. അതോടൊപ്പം തന്നെ കേരളത്തിലെ ആരാധകരും വലിയ ശ്രദ്ധ നേടിയിരുന്നു.

ഇപ്പോഴിതാ കേരളത്തിലെ ആരാധകർക്ക് അർജന്റീനയുടെ ദേശീയ ടീം നന്ദി പറഞ്ഞിട്ടുണ്ട്. അവരുടെ ഒഫീഷ്യൽ ട്വിറ്റർ ഹാൻഡിലാണ് കേരളത്തോട് മെസ്സിപ്പട നന്ദി അറിയിച്ചിട്ടുള്ളത്. ബംഗ്ലാദേശിലെ അർജന്റീന ആരാധകർ ആഹ്ലാദം പങ്കുവെക്കുന്ന ഒരു വീഡിയോ പങ്കുവെച്ചുകൊണ്ട് അതിന്റെ ക്യാപ്ഷൻ ആയി കൊണ്ട് അർജന്റീന കുറിച്ചിരിക്കുന്നത് ഇങ്ങനെയാണ്.

” നന്ദി ബംഗ്ലാദേശ്, നന്ദി കേരള,ഇന്ത്യ, പാക്കിസ്ഥാൻ, നിങ്ങളുടെ പിന്തുണ അൽഭുതകരമാണ് ” ഇതായിരുന്നു അർജന്റീന കുറച്ചിരുന്നത്.

കേരളത്തിലെ അർജന്റീനയുടെ ആരാധകർക്ക് വലിയ അഭിമാനത്തിന്റെ നിമിഷമാണിത്. അവരുടെ നാഷണൽ ടീം തന്നെ കേരളത്തിലെ ആരാധകരെ തിരിച്ചറിയുകയും നന്ദി പറയുകയും ചെയ്തിരുന്നു.ഏതായാലും അർജന്റീന കിരീടം നേടിയതോടുകൂടി അർജന്റീനയിലെ ആരാധകർ വലിയ ആഘോഷ പരിപാടികൾ ആണ് കേരളത്തിൽ സംഘടിപ്പിച്ചിട്ടുള്ളത്.