കേരളത്തിന്റെ സ്നേഹത്തിന് നന്ദി പറഞ്ഞ് നെയ്മർ!

തികച്ചും അപ്രതീക്ഷിതമായ ഒരു തോൽവിയായിരുന്നു ലാറ്റിനമേരിക്കൻ വമ്പൻമാരായ ബ്രസീലിന് ഖത്തർ വേൾഡ് കപ്പിൽ ഏറ്റുവാങ്ങേണ്ടി വന്നിരുന്നത്. ക്വാർട്ട ഫൈനൽ മത്സരത്തിൽ യൂറോപ്യൻ ടീമായ ക്രൊയേഷ്യയായിരുന്നു ബ്രസീലിനെ പെനാൽറ്റി ഷൂട്ടൗട്ടിൽ പരാജയപ്പെടുത്തിയത്. കിരീട ഫേവറേറ്റുകളായി വന്ന ബ്രസീലിന് തലകുനിച്ച് മടങ്ങേണ്ടി വരികയായിരുന്നു.

ആ മത്സരത്തിൽ നെയ്മർ ജൂനിയർ ഒരു തകർപ്പൻ ഗോൾ നേടിയിരുന്നു. എന്നിട്ട് പോലും പരാജയപ്പെട്ടു പുറത്തു പോകേണ്ടിവന്നത് നെയ്മറെ പിടിച്ചുലച്ചിരുന്നു. മത്സരശേഷം ഹൃദയം പൊട്ടി കരഞ്ഞു കൊണ്ടാണ് നെയ്മർ ജൂനിയർ കളം വിട്ടിരുന്നത്. ബ്രസീലിയൻ ആരാധകരുടെ കണ്ണ് നിറച്ച ഒരു കാഴ്ചയായിരുന്നു അത്.

എന്നാൽ ഇപ്പോഴിതാ കേരളത്തിന്റെ സ്നേഹത്തിന് നെയ്മർ നന്ദി പറഞ്ഞിട്ടുണ്ട്. കേരളത്തിലെ നെയ്മറുടെ കട്ട് ഔട്ടിനു മുന്നിൽ രണ്ട് ആരാധകർ നിൽക്കുന്ന ചിത്രമാണ് നെയ്മർ ജൂനിയറുടെ ഒഫീഷ്യൽ വെബ്സൈറ്റ് തങ്ങളുടെ ഇൻസ്റ്റഗ്രാം അക്കൗണ്ടിൽ പങ്കുവെച്ചിട്ടുള്ളത്. അതിന് ക്യാപ്ഷനായി കൊണ്ട് അവർ കുറിച്ചിരിക്കുന്നത് ഇങ്ങനെയാണ്.

” ലോകത്തിന്റെ എല്ലാ ഭാഗത്തുനിന്നും ഞങ്ങൾക്ക് സ്നേഹം ലഭിച്ചിട്ടുണ്ട്.കേരളത്തിന് വളരെയധികം നന്ദി ” ഇതാണ് നെയ്മറുടെ ഒഫീഷ്യൽ വെബ്സൈറ്റ് കുറിച്ചിട്ടുള്ളത്. കൂടാതെ കേരളത്തിലെ നെയ്മറുടെ ആരാധക കൂട്ടായ്മയായ നെയ്മർ ഫാൻസ് വെൽഫെയർ അസോസിയേഷനെ അവർ മെൻഷൻ ചെയ്യുകയും ചെയ്തിട്ടുണ്ട്.

നേരത്തെ പുള്ളാവൂർ പുഴയിലെ നെയ്മറുടെ കട്ടൗട്ടിന്റെ വീഡിയോ ഇവർ പങ്കുവെക്കുകയും ചെയ്തിരുന്നു. നെയ്മർ ജൂനിയറും അദ്ദേഹത്തിന്റെ സംഘവും വിവരങ്ങളൊക്കെ പങ്കുവെക്കുന്നത് ഈ ഒഫീഷ്യൽ വെബ്സൈറ്റിലൂടെയാണ്. ഏതായാലും പരാജയത്തിനിടക്കും തങ്ങളെ ഓർക്കാൻ കാണിച്ച മനസ്സിന് നന്ദി പറയുകയാണ് കേരളത്തിലെ നെയ്മർ.