ഒരിക്കൽ കൂടി ആ സെലിബ്രേഷനുമായി എമി മാർട്ടിനസ്, ഇത്തവണ സഹതാരങ്ങളും ഒപ്പം കൂടി!

കഴിഞ്ഞ ഖത്തർ വേൾഡ് കപ്പിൽ അർജന്റീനക്ക് വേണ്ടി അസാമാന്യമായ പ്രകടനം പുറത്തെടുത്ത താരങ്ങളിൽ ഒരാളാണ് അവരുടെ ഗോൾ കീപ്പറായ എമിലിയാനോ മാർട്ടിനസ്. പല മത്സരങ്ങളിലും അർജന്റീനയെ രക്ഷിച്ചത് ഈ ഗോൾകീപ്പറുടെ മികവായിരുന്നു.ഇതിന്റെ ഫലമായിക്കൊണ്ട് അദ്ദേഹം വേൾഡ് കപ്പിലെ ഏറ്റവും മികച്ച ഗോൾകീപ്പർക്കുള്ള ഗോൾഡൻ ഗ്ലൗ പുരസ്കാരം നേടിയിരുന്നു. അതിനുശേഷം താരം നടത്തിയ ആ സെലിബ്രേഷൻ വലിയ രൂപത്തിൽ വിവാദമായിരുന്നു.

ഗോൾഡൻ ഗ്ലൗ സ്വീകരിച്ചതിനു ശേഷം ആ വേദിയിൽ വെച്ച് തന്നെ എമി മാർട്ടിനെസ്സ് വിചിത്രമായ ഒരു സെലിബ്രേഷൻ നടത്തുകയായിരുന്നു. അതിന്റെ പേരിൽ വലിയ വിമർശനങ്ങൾ ഈ ഗോൾകീപ്പർക്ക് നേരിടേണ്ടി വന്നിരുന്നു.ആ സെലിബ്രേഷൻ നടത്താനുള്ള കാരണം ഇവിടെ അദ്ദേഹം വെളിപ്പെടുത്തുകയും ചെയ്തിരുന്നു.തന്റെ സഹതാരങ്ങളോട് ബെറ്റ് ചെയ്തതിന്റെ ഫലമായി കൊണ്ടാണ് താൻ ആ സെലിബ്രേഷൻ നടത്തിയത് എന്നാണ് എമി മാർട്ടിനസ് പറഞ്ഞിരുന്നത്.

ഏതായാലും ആ സെലിബ്രേഷൻ പേരിൽ വലിയ വിമർശനങ്ങൾ ഈ താരത്തിന് ഏൽക്കേണ്ടി വന്നിരുന്നു. പക്ഷേ അതൊന്നും തന്നെ ബാധിച്ചിട്ടില്ല എന്നുള്ളത് ഒരിക്കൽ കൂടി ഇന്ന് എമി മാർട്ടിനസ് തെളിയിച്ചു കഴിഞ്ഞു. അതായത് ഇന്നത്തെ മത്സരത്തിനു ശേഷം അർജന്റീന വേൾഡ് കപ്പ് കിരീടം നേട്ടം സ്വന്തം ആരാധകർക്ക് മുന്നിൽ വച്ച് ആഘോഷിച്ചിരുന്നു. ഈ ആഘോഷ പരിപാടികൾക്കിടെ എമി ഈ സെലിബ്രേഷൻ ഒരിക്കൽ കൂടി നടത്തുകയായിരുന്നു.

ഇത്തവണ വേൾഡ് കപ്പിന്റെ റിപ്ലിക്ക ഉപയോഗിച്ച് കൊണ്ടാണ് എമി മാർട്ടിനസ് ഈ സെലിബ്രേഷൻ നടത്തിയത്.മാത്രമല്ല അദ്ദേഹത്തിന് ഒപ്പം ഇത്തവണ സഹതാരങ്ങളും ഉണ്ടായിരുന്നു.ഗൈഡോ റോഡ്രിഗസ്,മാർക്കൊസ് അക്യൂഞ്ഞ,ജെറോണിമോ റുള്ളി, ജർമ്മൻ പെസല്ല എന്നിവർക്കൊപ്പമാണ് എമി ഈ സെലിബ്രേഷൻ നടത്തിയിട്ടുള്ളത്. ഇതോടെ ഒരിക്കൽ കൂടി ഈ സെലിബ്രേഷൻ ഫുട്ബോൾ ലോകത്ത് ചർച്ചയായി കഴിഞ്ഞിട്ടുണ്ട്.