ഏത് ടീമിനെയും നേരിടാൻ അർജന്റീന തയ്യാർ,എന്താണ് ചെയ്യേണ്ടത് എന്നുള്ളത് വ്യക്തമായ ധാരണയുണ്ട്: മെസ്സി

കഴിഞ്ഞ സൗഹൃദ മത്സരത്തിൽ ഹോണ്ടുറാസിനെ എതിരില്ലാത്ത മൂന്ന് ഗോളുകൾക്ക് പരാജയപ്പെടുത്താൻ അർജന്റീനക്ക് സാധിച്ചിരുന്നു.ലയണൽ മെസ്സി മത്സരത്തിൽ ഇരട്ട ഗോളുകൾ സ്വന്തമാക്കിയിരുന്നു. ഇനി ജമൈക്കയാണ് അർജന്റീനയുടെ എതിരാളികൾ. അതിനുശേഷം വേൾഡ് കപ്പ് എന്ന വെല്ലുവിളിയാണ് അർജന്റീനയുടെ മുന്നിലുള്ളത്.

എന്നാൽ ലയണൽ മെസ്സി വേൾഡ് കപ്പിനെ നേരിടാൻ തയ്യാറെടുത്തു കഴിഞ്ഞിട്ടുണ്ട്.എതിരാളികൾ ആരായാലും അവരെ നേരിടാൻ അർജന്റീന തയ്യാറെടുത്തു കഴിഞ്ഞു എന്നാണ് മെസ്സി പറഞ്ഞിട്ടുള്ളത്. എന്നാൽ ചെറിയ ഒരു കാര്യം പോലും വേൾഡ് കപ്പിൽ നിന്ന് പുറത്താവാൻ കാരണമാകുമെന്നും മെസ്സി പറഞ്ഞിട്ടുണ്ട്. അദ്ദേഹത്തിന്റെ വാക്കുകളെ TYC റിപ്പോർട്ട് ചെയ്യുന്നത് ഇങ്ങനെയാണ്.

” ആരെയും നേരിടാൻ തയ്യാറെടുത്ത കഴിഞ്ഞ ഒരു അർജന്റീനയാണ് ഇത്.ഓരോ മത്സരത്തിലും ഞങ്ങൾ എന്താണ് ചെയ്യേണ്ടത് എന്നുള്ളത് ഞങ്ങൾക്ക് വ്യക്തമായി അറിയാം. കോച്ചിംഗ് സ്റ്റാഫുകൾ വളരെ നല്ല രൂപത്തിൽ തയ്യാറെടുപ്പുകൾ മുന്നോട്ടു കൊണ്ടുപോകുന്നുണ്ട്.ഇപ്പോൾ ടീം വളരെ മികച്ച രൂപത്തിൽ കളിക്കുന്നുണ്ട്. വേൾഡ് കപ്പിൽ കഴിവിന്റെ പരമാവധി മികച്ച പ്രകടനം പുറത്തെടുക്കും. വേൾഡ് കപ്പ് ബുദ്ധിമുട്ടാണ് എന്നുള്ളത് ഞങ്ങൾക്കറിയാം. ഒരു ചെറിയ കാര്യം മതി വേൾഡ് കപ്പിൽ നിന്നും പുറത്താവാൻ. പക്ഷേ എതിരാളികൾ ആരായാലും അവരോട് പോരാടാൻ കെൽപ്പുള്ള ഒരു ടീമാണ് ഇപ്പോൾ ഞങ്ങളുടെത് ” ഇതാണ് മെസ്സി പറഞ്ഞിട്ടുള്ളത്.

ചുരുക്കത്തിൽ വേൾഡ് കപ്പിനെ അർജന്റീന തയ്യാറായി കഴിഞ്ഞു എന്ന് തന്നെയാണ് മെസ്സി പറഞ്ഞുവെക്കുന്നത്.തന്റെ സഹതാരങ്ങളിലും ടീമിലും വളരെയധികം ആത്മവിശ്വാസം വെച്ച് പുലർത്തുന്ന മെസ്സിയെയാണ് ഈ വാക്കുകളിലൂടെ നമുക്ക് കാണാൻ സാധിക്കുന്നത്.