എല്ലാത്തിന്റെയും ബെസ്റ്റ്: റൊണാൾഡോയെ എന്തുകൊണ്ട് മാതൃകയാക്കുന്നു എന്നത് വിശദീകരിച്ച് എൻഡ്രിക്ക്!

കേവലം 17 വയസ്സ് മാത്രമുള്ള എൻഡ്രിക്ക് തന്നെ ഫുട്ബോൾ ലോകത്ത് തന്റെ കാൽപാദം പതിപ്പിച്ചു കഴിഞ്ഞു. ബ്രസീലിന് വേണ്ടി തുടർച്ചയായി മൂന്ന് മത്സരങ്ങളിൽ ഗോളുകൾ നേടാൻ എൻഡ്രിക്കിന് സാധിച്ചിരുന്നു.യൂറോപ്പ്യൻ കരുത്തരായ ഇംഗ്ലണ്ട്,സ്പെയിൻ എന്നിവർക്കെതിരെ ഗോളുകൾ നേടിയ താരം കൂടിയാണ് എൻഡ്രിക്ക്. വരുന്ന കോപ്പ അമേരിക്കയിൽ വലിയ പ്രതീക്ഷകൾ ആരാധകർ ഈ താരത്തിൽ വെച്ച് പുലർത്തുന്നുണ്ട്.അതിനുശേഷമാണ് അദ്ദേഹം റയൽ മാഡ്രിഡിനോടൊപ്പം ജോയിൻ ചെയ്യുക.

ക്രിസ്റ്റ്യാനോ റൊണാൾഡോയെ ഐഡോളായി പരിഗണിക്കുന്ന വ്യക്തിയാണ് എൻഡ്രിക്ക്.ഇക്കാര്യം താരം തന്നെ തുറന്നു പറയുകയും ചെയ്തിട്ടുണ്ട്. എന്തുകൊണ്ടാണ് റൊണാൾഡോയെ ഇൻസ്പിറേഷനായി കാണുന്നത് എന്നതിനുള്ള വിശദീകരണവും എൻഡ്രിക്ക് നൽകിയിട്ടുണ്ട്. എല്ലാത്തിന്റെയും ബെസ്റ്റ് എന്നാണ് റൊണാൾഡോയെക്കുറിച്ച് എൻഡ്രിക്ക് പറഞ്ഞിട്ടുള്ളത്.അദ്ദേഹത്തിന്റെ വാക്കുകൾ ഇങ്ങനെയാണ്.

“ക്രിസ്റ്റ്യാനോ റൊണാൾഡോയാണ് എന്റെ ഏറ്റവും വലിയ റോൾ മോഡൽ.കാരണം എല്ലാ നേട്ടങ്ങളും കരസ്ഥമാക്കിയ വ്യക്തിയാണ് അദ്ദേഹം. അദ്ദേഹത്തിന്റെ റെക്കോർഡുകൾക്കെല്ലാം നന്ദി പറയേണ്ടത് അദ്ദേഹത്തിന്റെ ഡെഡിക്കേഷനോടാണ്. എല്ലാത്തിന്റെയും ബെസ്റ്റ് ആയിട്ടുള്ള ഒരു കോംബോയാണ് ക്രിസ്റ്റ്യാനോ റൊണാൾഡോ. എല്ലാകാര്യത്തിലും മികച്ച നിൽക്കുന്ന ഒരു താരത്തിനുള്ള ഉത്തമ ഉദാഹരണമാണ് ക്രിസ്റ്റ്യാനോ ” ഇതാണ് എൻഡ്രിക്ക് ഇപ്പോൾ പറഞ്ഞിട്ടുള്ളത്.

റൊണാൾഡോയുടെ സെലിബ്രേഷനുകൾ ഒരുപാട് തവണ അനുകരിച്ചിട്ടുള്ള വ്യക്തി കൂടിയാണ് എൻഡ്രിക്ക്. അദ്ദേഹത്തിന്റെ പാത പിൻപറ്റി കൊണ്ടാണ് എൻഡ്രിക്ക് റയൽ മാഡ്രിഡിൽ എത്തിയിട്ടുള്ളത്. റൊണാൾഡോ അണിഞ്ഞ ജേഴ്സി അണിയാൻ സാധിക്കുന്നു എന്നത് തനിക്ക് ഒരുപാട് അഭിമാനം നൽകുന്നുണ്ടെന്ന് നേരത്തെ തന്നെ ഈ ബ്രസീലിയൻ താരം വ്യക്തമാക്കിയിരുന്നു.