എന്താണ് നീ ചെയ്യുന്നത് വിഡ്ഢി? വീണ്ടും കലിപ്പിലായി മെസ്സി!
ഇന്ന് നടന്ന വേൾഡ് കപ്പ് യോഗ്യത മത്സരത്തിൽ വിജയം സ്വന്തമാക്കാൻ അർജന്റീനക്ക് സാധിച്ചിരുന്നു. ഏകപക്ഷീയമായ ഒരു ഗോളിനാണ് അർജന്റീന പെറുവിനെ പരാജയപ്പെടുത്തിയത്. മത്സരത്തിന്റെ രണ്ടാം പകുതിയിൽ ലൗറ്ററോ മാർട്ടിനസ് നേടിയ ഗോളാണ് അർജന്റീനക്ക് വിജയം സമ്മാനിച്ചത്. മെസ്സിയുടെ അസിസ്റ്റിൽ നിന്നും തകർപ്പൻ ഗോളാണ് ലൗറ്ററോ സ്വന്തമാക്കിയിട്ടുള്ളത്.
മത്സരത്തിൽ മെസ്സി മികച്ച പ്രകടനമാണ് നടത്തിയിട്ടുള്ളത്.എന്നാൽ സമീപകാലത്ത് ഒരല്പം കലിപ്പനായ മെസ്സിയെയാണ് നമുക്ക് കാണാൻ കഴിയുന്നത്. മെസ്സിയുടെ അഗ്രസീവ് ഇപ്പോൾ ഒരല്പം വർദ്ധിച്ചിട്ടുണ്ട്. കഴിഞ്ഞ മത്സരത്തിൽ മെസ്സി റഫറിയോട് ദേഷ്യപ്പെട്ടിരുന്നു.കഴിഞ്ഞ ഖത്തർ വേൾഡ് കപ്പ് മുതലാണ് നമുക്ക് അത് കാണാൻ തുടങ്ങിയത്.അന്ന് നെതർലാന്റ്സ് സൂപ്പർ താരമായ വെഗോസ്റ്റിനോട് മെസ്സി ദേഷ്യപ്പെട്ടത് വലിയ വാർത്തയായിരുന്നു.
വിഡ്ഢി എന്നായിരുന്നു മെസ്സി അന്ന് വെഗോസ്റ്റിനെ വിളിച്ചിരുന്നത്. സമാനമായ ഒരു സംഭവം ഇന്നത്തെ മത്സരത്തിലും നടന്നിട്ടുണ്ട്.പെറു താരത്തിനോടാണ് മെസ്സി കലിപ്പിലായിട്ടുള്ളത്. മത്സരത്തിന്റെ 36 മിനിട്ടിലായിരുന്നു ഈ സംഭവം നടന്നിരുന്നത്.പെറുവിന്റെ പ്രതിരോധ നിര താരമായ സംബ്രാനോ മെസ്സിയെ ചാലഞ്ച് ചെയ്യുകയായിരുന്നു.ഈ സമയത്ത് മെസ്സിയെ അദ്ദേഹം അടിക്കുകയും ചെയ്തു.എന്നാൽ മെസ്സിക്ക് ഇത് ഒട്ടും ഇഷ്ടപ്പെട്ടില്ല. അദ്ദേഹം പെറു താരത്തോട് ദേഷ്യപ്പെടുകയായിരുന്നു.
എന്താണ് നീ ചെയ്യുന്നത് വിഡ്ഢി എന്നാണ് മെസ്സി ദേഷ്യപ്പെട്ടു കൊണ്ട് അദ്ദേഹത്തോട് പറഞ്ഞത്.റഫറി ഈ പെറു താരത്തിന് വാണിംഗ് നൽകുകയും ചെയ്തിരുന്നു. മത്സരത്തിൽ ഏറ്റവും കൂടുതൽ തവണ ഫൗളുകൾക്ക് ഇരയാവേണ്ടി വന്ന താരം മെസ്സിയാണ്. 5 ഫൗളുകളായിരുന്നു മെസ്സിക്ക് നേരെ ഉണ്ടായിരുന്നത്. ഏതായാലും ഒരു അസിസ്റ്റ് നേടിക്കൊണ്ടാണ് മെസ്സി ഈ വർഷം അവസാനിപ്പിച്ചത്.
