ആഗ്രഹം പ്രകടിപ്പിച്ച ഉടനെ ഷേക്ക് ഹാൻഡ്, അത്ഭുതമൊഴിയാതെ 20കാരനായ അൽകാരസ്‌!

ഈ വർഷത്തെ ഏറ്റവും മികച്ച കായിക താരത്തിനുള്ള ലോറിസ് അവാർഡ് സ്വന്തമാക്കിയത് സൂപ്പർതാരം ലയണൽ മെസ്സിയായിരുന്നു. തന്റെ കരിയറിൽ ഇത് രണ്ടാം തവണയാണ് ലയണൽ മെസ്സി സ്വന്തമാക്കിയിരുന്നത്. മെസ്സിയോടൊപ്പം മത്സരിക്കാൻ ടെന്നീസ് സൂപ്പർ താരമായ കാർലോസ് അൽകാരസ്‌ ഉണ്ടായിരുന്നു.ലോറിസിന്റെ ബ്രെക്ക് ത്രൂ ഓഫ് ഇയർ പുരസ്കാരം നേടിയിരുന്നത് അൽകാരസായിരുന്നു.

ഈ അവാർഡ് ദാന ചടങ്ങിന് വേണ്ടി എത്തിയ അൽകാരസ്‌ മാധ്യമങ്ങളോട് സംസാരിച്ചിരുന്നു.ലയണൽ മെസ്സി തൊട്ടപ്പുറത്ത് ഉണ്ടായിരുന്നു.വളരെ ആവേശപൂർവ്വമായിരുന്നു അദ്ദേഹം മെസ്സിയെക്കുറിച്ച് അപ്പോൾ സംസാരിച്ചിരുന്നത്.അദ്ദേഹത്തിന്റെ വാക്കുകൾ ഇങ്ങനെയാണ്.

“എനിക്ക് അത്ഭുതം തോന്നുന്നു.ഞാൻ ഇതിനു മുൻപ് മെസ്സിയെ നേരിട്ട് കണ്ടിട്ടില്ല. ഇവിടെവെച്ച് ഇപ്പോൾ അദ്ദേഹത്തെ കാണാൻ കഴിഞ്ഞത് Crazy ആയിട്ടുള്ള ഒരു കാര്യമാണ്. എന്റെ തൊട്ടപ്പുറത്താണ് അദ്ദേഹമുള്ളത്.അദ്ദേഹത്തിന് ഷേക്ക്ഹാൻഡ് നൽകാൻ ഞാൻ വളരെയധികം ആഗ്രഹിക്കുന്നു ” ഇതായിരുന്നു മാധ്യമപ്രവർത്തകരോട് ഈ 20 കാരനായ താരം പറഞ്ഞിരുന്നത്.

മാധ്യമപ്രവർത്തകർ കാർലോസ് അൽകാരസിന്റെ ആഗ്രഹം നടപ്പിലാക്കി കൊടുക്കുകയായിരുന്നു.അതായത് ലയണൽ മെസ്സിയെ മാധ്യമപ്രവർത്തകർ വിളിച്ചു. ഉടൻതന്നെ അദ്ദേഹത്തിന്റെ സമീപത്ത് എത്തിയ മെസ്സി അൽകാരസിനെ പരിചയപ്പെടുകയും അദ്ദേഹത്തിന് ഷേക്ക് ഹാന്റ് നൽകുകയും ചെയ്തിരുന്നു. വളരെ അത്ഭുതത്തോടുകൂടിയാണ് അൽക്കാരസ് ഈയൊരു നിമിഷത്തെ നോക്കി കണ്ടിരുന്നത്.

സ്പെയിൻകാരനായ ഇദ്ദേഹം നിലവിൽ ടെന്നീസ് വേൾഡ് റാങ്കിങ്ങിൽ രണ്ടാം സ്ഥാനത്താണ്. ഇതിഹാസതാരമായ ജോക്കോവിച്ചാണ് ഒന്നാം സ്ഥാനത്തുള്ളത്.