അർജന്റീന Vs കൊളംബിയ, സ്പെയിൻ Vs ഇംഗ്ലണ്ട്, കലാശ പോരാട്ടത്തിന് കളമൊരുങ്ങി!
ഇന്ന് കോപ്പ അമേരിക്കയിൽ നടന്ന രണ്ടാം സെമി ഫൈനൽ പോരാട്ടത്തിൽ കൊളംബിയ വിജയിച്ചിട്ടുണ്ട്. മറുപടിയില്ലാത്ത ഒരു ഗോളിനാണ് കൊളംബിയ ഉറുഗ്വയെ പരാജയപ്പെടുത്തിയത്. മത്സരത്തിന്റെ 39ആം മിനുട്ടിൽ ലെർമ നേടിയ ഗോളാണ് കൊളംബിയക്ക് വിജയം സമ്മാനിച്ചത്.ജെയിംസിന്റെ കോർണർ കിക്കിൽ നിന്നും ഹെഡറിലൂടെയാണ് ലെർമ ഗോൾ നേടിയത്.
ആദ്യപകുതി അവസാനിക്കുന്നതിനു മുൻപേ മുനോസ് റെഡ് കാർഡ് വഴങ്ങി പുറത്ത് പോയത് കൊളംബിയക്ക് തിരിച്ചടിയായി.പക്ഷേ 10 പേരെ വെച്ച് അവർ ബാക്കിയുള്ള സമയം അതിജീവിക്കുകയായിരുന്നു. ഇനി കലാശ പോരാട്ടത്തിൽ അർജന്റീനയും കൊളംബിയയും തമ്മിലാണ് ഏറ്റുമുട്ടുക.വരുന്ന തിങ്കളാഴ്ച പുലർച്ചെ ഇന്ത്യൻ സമയം 5:30നാണ് ഈയൊരു ഫൈനൽ മത്സരം നടക്കുക.
അതേസമയം ഇന്നലെ യൂറോ കപ്പിൽ നടന്ന ഫൈനൽ പോരാട്ടത്തിൽ ഇംഗ്ലണ്ട് വിജയിച്ചു കയറിയിട്ടുണ്ട്. ഒന്നിനെതിരെ രണ്ട് ഗോളുകൾക്കാണ് ഇംഗ്ലണ്ട് നെതർലാന്റ്സിനെ പരാജയപ്പെടുത്തിയത്. മത്സരത്തിന്റെ ഏറ്റവും അവസാനത്തിൽ ഒല്ലി വാട്ട്ക്കിൻസ് നേടിയ ഗോളാണ് ഇംഗ്ലണ്ടിന് ആവേശ വിജയം നേടിക്കൊടുത്തത്.സ്പെയിനും ഇംഗ്ലണ്ടും തമ്മിലാണ് ഫൈനലിൽ ഏറ്റുമുട്ടുക. വരുന്ന ഞായറാഴ്ച അർദ്ധരാത്രി ഇന്ത്യൻ സമയം 12:30നാണ് ഈയൊരു മത്സരം നടക്കുക.
