അർജന്റീന ഒരു തോൽവിയറിഞ്ഞിട്ട് മൂന്ന് വർഷങ്ങൾ കഴിഞ്ഞു,അറിയാം ആ കുതിപ്പിന്റെ കഥ!

ലാറ്റിനമേരിക്കൻ വമ്പൻമാരായ അർജന്റീന ഒരു തോൽവി അറിഞ്ഞിട്ട് ഇപ്പോൾ കൃത്യം 3 വർഷങ്ങൾ പിന്നിട്ട് കഴിഞ്ഞു.2019 ജൂലൈ രണ്ടാം തീയതി നടന്ന കോപ്പ അമേരിക്ക സെമി ഫൈനൽ മത്സരത്തിലായിരുന്നു അർജന്റീന അവസാനമായി പരാജയപ്പെട്ടത്. ബ്രസീലായിരുന്നു അന്ന് അർജന്റീനയെ പരാജയപ്പെടുത്തിയത്.

പക്ഷേ ആ മത്സരം കഴിഞ്ഞിട്ട് ഇപ്പോൾ 3 വർഷം പൂർത്തിയാവുകയാണ്. ഈ മൂന്നു വർഷത്തിനിടയിൽ ഒരൊറ്റ മത്സരം പോലും ലയണൽ മെസ്സിയും സംഘവും പരാജയപ്പെട്ടിട്ടില്ല.33 മത്സരങ്ങളായി അർജന്റീന ഒരു അപരാജിത കുതിപ്പ് തുടരുകയാണ്. ഈ കുതിപ്പിനിടയിൽ കോപ്പ അമേരിക്ക കിരീടവും ഫൈനലിസിമയും സ്വന്തമാക്കാൻ അർജന്റീനക്ക് സാധിച്ചിട്ടുണ്ട്.

2019-ലെ കോപ്പ അമേരിക്ക സെമിയിൽ എതിരില്ലാത്ത രണ്ട് ഗോളുകൾക്കായിരുന്നു ബ്രസീൽ അർജന്റീനയെ പരാജയപ്പെടുത്തിയത്.ഗബ്രിയേൽ ജീസസ്,റോബെർട്ടോ ഫിർമിനോ എന്നിവരായിരുന്നു ബ്രസീലിന്റെ വിജയ ഗോൾ നേടിയത്. പക്ഷേ ആ മത്സരത്തിന് ശേഷവും വിവാദങ്ങൾ നിലനിന്നിരുന്നു. മത്സരത്തിൽ അർജന്റീനക്ക് അനുകൂലമായ ഒരു പെനാൽറ്റി ലഭിക്കാത്തതിൽ സൂപ്പർ താരം ലയണൽ മെസ്സി ഉൾപ്പെടെയുള്ളവർ വിമർശനങ്ങൾ ഉയർത്തിയിരുന്നു.

ഏതായാലും അതിനുശേഷം ബ്രസീലിനെ തന്നെ പരാജയപ്പെടുത്തിക്കൊണ്ട് കോപ്പ അമേരിക്ക കിരീടം നേടാൻ അർജന്റീനക്ക് സാധിച്ചു. അവസാനമായി കളിച്ച മത്സരത്തിൽ എസ്റ്റോണിയയെയാണ് അർജന്റീന പരാജയപ്പെടുത്തിയത്. സൂപ്പർതാരം ലയണൽ മെസ്സിയായിരുന്നു ഈ അഞ്ചു ഗോളുകളും നേടിയത്.

ഏതായാലും അർജന്റീന ഈ കാലയളവിൽ കളിച്ച 33 മത്സരങ്ങളും അതിന്റെ ഫലങ്ങളും താഴെ നൽകുന്നു.