അർജന്റീന എങ്ങനെ കളിക്കുമെന്നുള്ളത് ഞങ്ങൾക്കറിയാം, അവർക്കാണ് സമ്മർദ്ദമുള്ളത്: ക്രൊയേഷ്യൻ കോച്ച്.

ഇന്ന് ഖത്തർ വേൾഡ് കപ്പിൽ നടക്കുന്ന ആദ്യ സെമി ഫൈനൽ മത്സരത്തിൽ അർജന്റീനയും ക്രൊയേഷ്യയും തമ്മിലാണ് ഏറ്റുമുട്ടുക. ഇന്ന് രാത്രി ഇന്ത്യൻ സമയം 12:30നാണ് ഈയൊരു മത്സരം നടക്കുക.ലക്ഷ്യം ഫൈനലായതിനാൽ ഒരു കടുത്ത പോരാട്ടമാണ് ഇന്ന് ഫുട്ബോൾ ആരാധകർ പ്രതീക്ഷിക്കുന്നത്.

ഏതായാലും ഈ മത്സരത്തിനു മുന്നോടിയായുള്ള പത്രസമ്മേളനത്തിൽ ക്രൊയേഷ്യയുടെ പരിശീലകനായ ഡാലിച്ച് ചില കാര്യങ്ങൾ പറഞ്ഞിട്ടുണ്ട്. അതായത് തങ്ങളേക്കാൾ കൂടുതൽ സമ്മർദ്ദം അർജന്റീനക്കാണ് എന്നാണ് കോച്ച് പറഞ്ഞിട്ടുള്ളത്. മാത്രമല്ല അർജന്റീന എങ്ങനെയാണ് കളിക്കുക എന്നുള്ളത് തങ്ങൾക്ക് കൃത്യമായി അറിയാമെന്നും ഇദ്ദേഹം കൂട്ടിച്ചേർത്തിട്ടുണ്ട്.ഡാലിച്ചിന്റെ വാക്കുകൾ ഇങ്ങനെയാണ്.

” തുടർച്ചയായി 2 വേൾഡ് കപ്പുകളിൽ സെമിഫൈനലിൽ എത്തുക എന്നുള്ളത് അത്ഭുതകരമായ ഒരു കാര്യം തന്നെയാണ്. ലയണൽ മെസ്സിയുള്ള അർജന്റീന വളരെ കരുത്തരാണ്.പക്ഷേ ഞങ്ങളെക്കാൾ കൂടുതൽ സമ്മർദ്ദം ഈ മത്സരത്തിൽ അനുഭവിക്കുക അർജന്റീനയാണ്.ഞങ്ങൾ അവരെ വിശകലനം ചെയ്തിരുന്നു. അവർ എങ്ങനെയാണ് കളിക്കുക എന്നുള്ളത് ഞങ്ങൾക്ക് കൃത്യമായി അറിയാം.പക്ഷേ ഞാൻ വളരെയധികം ശുഭാപ്തി വിശ്വാസിയാണ്. എന്റെ താരങ്ങളിൽ എനിക്ക് മുഴുവനായിട്ടും ആത്മവിശ്വാസമുണ്ട് ” ഇതാണ് ക്രൊയേഷ്യയുടെ പരിശീലകൻ പറഞ്ഞിട്ടുള്ളത്.

കഴിഞ്ഞ മത്സരത്തിൽ ബ്രസീലിനെ കൃത്യമായി പൂട്ടാൻ ക്രൊയേഷ്യക്ക് സാധിച്ചിരുന്നു.അതിന്റെ ഒരു ആത്മവിശ്വാസത്തിലായിരിക്കും ഇന്ന് അവർ കളത്തിലേക്ക് ഇറങ്ങുക.