അർജന്റീനയെയല്ല,വേൾഡ് കപ്പ് ഫൈനലിൽ കിട്ടേണ്ടത് ആ ടീമിനെ : റിച്ചാർലീസൺ പറയുന്നു!

കഴിഞ്ഞ കോപ്പ അമേരിക്ക ഫൈനലിലായിരുന്നു ചിരവൈരികളായ ബ്രസീലും അർജന്റീനയും തമ്മിൽ ഏറ്റുമുട്ടിയിരുന്നത്. ഏകപക്ഷീയമായ ഒരു ഗോളിന് ബ്രസീലിനെ പരാജയപ്പെടുത്തിക്കൊണ്ട് അർജന്റീന കിരീടം ചൂടുകയായിരുന്നു. ആ മത്സരത്തിനു ശേഷം ബ്രസീൽ താരമായ റിച്ചാർലീസണും അർജന്റീന താരങ്ങളും തമ്മിൽ സോഷ്യൽ മീഡിയയിൽ കൊമ്പ് കോർക്കുകയും ചെയ്തിരുന്നു.

ഏതായാലും റിച്ചാർലീസൺ ഇപ്പോൾ വരുന്ന വേൾഡ് കപ്പിനെ കുറിച്ചുള്ള ചില ആഗ്രഹങ്ങൾ പങ്കുവെച്ചിട്ടുണ്ട്.അതായത് വേൾഡ് കപ്പ് ഫൈനലിൽ ബ്രസീലിനെ എതിരാളികളായി അർജന്റീനയെ ലഭിക്കുന്നതിനേക്കാൾ താൻ ഇഷ്ടപ്പെടുന്നത് ജർമനിയെ ലഭിക്കുന്നതാണ് എന്നാണ് റിച്ചാർലീസൺ പറഞ്ഞിട്ടുള്ളത്. കഴിഞ്ഞദിവസം പ്രമുഖ മാധ്യമമായ ടിഎൻടി സ്പോർട്സിനോട് സംസാരിക്കുകയായിരുന്നു അദ്ദേഹം.റിച്ചാർലീസണിന്റെ വാക്കുകൾ ഇങ്ങനെയാണ്.

” അർജന്റീനയെക്കാൾ വേൾഡ് കപ്പ് ഫൈനലിൽ എതിരാളികളായി ഞാൻ ലഭിക്കാൻ ഇഷ്ടപ്പെടുന്നത് ജർമ്മനിയെയാണ്.കാരണം അർജന്റീന വഞ്ചകരാണ്. അവർ വിജയിക്കുകയാണെങ്കിൽ ഏത് രൂപത്തിലാണ് വിജയിക്കുക എന്നുള്ളത് ഞങ്ങൾക്കറിയാം. ഞാൻ മുൻഗണന നൽകുന്നത് ജർമ്മനിക്കാണ്. അവരെ ഞങ്ങൾ തോൽപ്പിക്കുമെന്ന് എന്നുള്ളത് ആർക്കറിയാം? ” ഇതാണ് ബ്രസീലിയൻ താരം പറഞ്ഞിട്ടുള്ളത്.

നേരത്തെ തന്നെ ഖത്തർ വേൾഡ് കപ്പിന് അർജന്റീനയും ബ്രസീലും യോഗ്യത നേടിയിട്ടുണ്ട്.