അർജന്റീനയുടെ അടുത്ത മത്സരങ്ങൾക്ക് വേണ്ടി ഞാൻ ആവേശത്തോടെ കാത്തിരിക്കുകയാണ്: ഡി മരിയ പറയുന്നു

ഖത്തർ വേൾഡ് കപ്പിന്റെ ഫൈനലിൽ ഫ്രാൻസിനെ പരാജയപ്പെടുത്തി കൊണ്ടായിരുന്നു അർജന്റീന കിരീടം സ്വന്തമാക്കിയത്. അതിനുശേഷം സ്വപ്നതുല്യമായ ഒരു വരവേൽപ്പാണ് അർജന്റീനയുടെ ദേശീയ ടീമിനെ സ്വന്തം ജന്മനാട്ടിൽ ലഭിച്ചത്. പക്ഷേ ക്ലബ്ബ് ഫുട്ബോൾ ഉണ്ടായതുകൊണ്ട് ഒരുപാട് ദിവസങ്ങളൊന്നും അർജന്റീനയിൽ ചിലവഴിക്കാൻ അവർക്ക് കഴിഞ്ഞിരുന്നില്ല. അതുകൊണ്ടുതന്നെ വരുന്ന സൗഹൃദമത്സരങ്ങൾക്ക് ശേഷം കിരീടനേട്ടം ആരാധകർക്ക് മുന്നിൽ ആഘോഷിക്കാനാണ് അർജന്റീന പദ്ധതി ഇട്ടിരിക്കുന്നത്.

മാർച്ച് 21നും 28നും ഇടയ്ക്ക് രണ്ട് സൗഹൃദമത്സരങ്ങളാണ് അർജന്റീന സ്വന്തം നാട്ടിൽ വെച്ച് കളിക്കുക. മത്സരങ്ങൾക്കുള്ള എതിരാളികളെ AFA ഒഫീഷ്യലായി കൊണ്ട് സ്ഥിരീകരിച്ചിട്ടില്ല. ഇപ്പോഴിതാ വരുന്ന മത്സരങ്ങളെ കുറിച്ച് സൂപ്പർ താരമായ ഡി മരിയ സംസാരിച്ചിട്ടുണ്ട്. അർജന്റീനയുടെ അടുത്ത മത്സരങ്ങൾക്ക് വേണ്ടി താൻ ആവേശത്തോടെ കാത്തിരിക്കുകയാണ് എന്നാണ് ഡി മരിയ പറഞ്ഞിട്ടുള്ളത്. അദ്ദേഹത്തിന്റെ വാക്കുകളെ Tyc റിപ്പോർട്ട് ചെയ്യുന്നത് ഇങ്ങനെയാണ്.

” മാർച്ച് മാസത്തിലെ മത്സരങ്ങൾ വളരെ മനോഹരമായ നിമിഷങ്ങളായിരിക്കും. ഞാൻ അതിനു വേണ്ടി ഏറെ ആവേശത്തോടെ കാത്തിരിക്കുകയാണ്.ആരാധകരും ആ മത്സരങ്ങൾക്ക് വേണ്ടിയുള്ള കാത്തിരിപ്പിലാണ്.വളരെ വേഗത്തിലാണ് ഞങ്ങൾ മൂന്ന് കിരീടങ്ങൾ നേടിയത്. അത് ആരാധകരെ സംബന്ധിച്ചിടത്തോളവും ഒരു നേട്ടമാണ്. അവിശ്വസനീയമായ കാര്യങ്ങളാണ് അർജന്റീനക്ക് സംഭവിച്ചിട്ടുള്ളത്. അർജന്റീനയിലെ സഹതാരങ്ങളെ ഞാൻ ശരിക്കും മിസ്സ് ചെയ്യുന്നുണ്ട്.ഞങ്ങൾ ശരിക്കും ഒരു അത്ഭുതകരമായ ഗ്രൂപ്പ് തന്നെയായിരുന്നു” ഡി മരിയ പറഞ്ഞു.

കഴിഞ്ഞ ഖത്തർ വേൾഡ് കപ്പിൽ അർജന്റീനക്ക് വേണ്ടി മികച്ച പ്രകടനം നടത്താൻ സാധിച്ചിട്ടുള്ള താരമാണ് ഡി മരിയ. ഫൈനൽ മത്സരത്തിൽ ഫ്രാൻസിനെതിരെ അദ്ദേഹം ഗോൾ കണ്ടെത്തിയിരുന്നു