അർജന്റീനക്ക് വേണ്ടി മിന്നും പ്രകടനം, ഗൈച്ചിനെ പറ്റി മനസ്സ് തുറന്ന് പരിശീലകൻ!

കഴിഞ്ഞ ദിവസം നടന്ന മത്സരത്തിൽ വിജയം കൊയ്യാൻ അർജന്റീന അണ്ടർ 23 ടീമിന് സാധിച്ചിരുന്നു. ജപ്പാനെയായിരുന്നു അർജന്റൈൻ ടീം സൗഹൃദമത്സരത്തിൽ ഒരു ഗോളിന് പരാജയപ്പെടുത്തി. മത്സരത്തിൽ അർജന്റീനയുടെ വിജയഗോൾ നേടിയത് അഡോൾഫോ ഗൈച്ച് ആയിരുന്നു. മികച്ച ഫോമിലാണ് താരമിപ്പോൾ കളിക്കുന്നത്.
യുവന്റസിനെതിരെയുള്ള മത്സരത്തിൽ ബെനവെന്റോക്ക് വേണ്ടി ഗൈച്ച് ആയിരുന്നു വിജയഗോൾ നേടിയത്. ഇപ്പോഴിതാ താരത്തെ കുറിച്ച് മനസ്സ് തുറന്നിരിക്കുകയാണ് അണ്ടർ 23 അർജന്റൈൻ ടീമിന്റെ പരിശീലകൻ ഫെർണാണ്ടോ ബാറ്റിസ്റ്റ. ഓരോ തവണ അദ്ദേഹത്തെ ടീമിൽ എടുക്കുമ്പോഴും ഒരുപാട് ആഗ്രഹങ്ങളോടുകൂടിയാണ് അദ്ദേഹം വരാറുള്ളത് എന്നാണ് ബാറ്റിസ്റ്റ അറിയിച്ചത്.

” അദ്ദേഹം ഈ വഴിയിൽ തന്നെ തുടരുമെന്നാണ് ഞാൻ പ്രതീക്ഷിക്കുന്നത്. അവൻ മികച്ച ഒരു താരമാണ്. ഇതെല്ലാം അവൻ അർഹിക്കുന്നുമുണ്ട്. മികച്ച ഫോമിലാണ് ഗൈച്ച് ഇപ്പോൾ കളിക്കുന്നത്. അത് മാത്രമല്ല എപ്പോഴും നല്ല രീതിയിൽ കളിക്കാൻ അദ്ദേഹം ആഗ്രഹിക്കുകയും ചെയ്യുന്നു. ഓരോ തവണ അദ്ദേഹത്തെ ടീമിലേക്ക് വിളിക്കുമ്പോഴും ഒരുപാട് ആഗ്രഹങ്ങളോടുകൂടിയാണ് അദ്ദേഹം ടീമിൽ എത്താറുള്ളത്.അർജന്റൈൻ ദേശീയ ടീമും അദ്ദേഹവും കാന്തങ്ങൾ പോലെയാണ് ” ബാറ്റിസ്റ്റ പറഞ്ഞു.