അർജന്റീനക്ക് ഞെട്ടിക്കുന്ന തോൽവി,വിനിക്ക് പിഴച്ചപ്പോൾ ബ്രസീലിന് സമനില!

ഇന്നലെ നടന്ന വേൾഡ് കപ്പ് യോഗ്യത മത്സരത്തിൽ ബ്രസീലിന് സമനില വഴങ്ങേണ്ടി വന്നിട്ടുണ്ട്.വെനിസ്വേലയാണ് ബ്രസീലിനെ സമനിലയിൽ തളച്ചിട്ടുള്ളത്. രണ്ട് ടീമുകളും ഓരോ ഗോളുകൾ വീതം നേടുകയായിരുന്നു. പെനാൽറ്റി പാഴാക്കിയ വിനീഷ്യസ് ജൂനിയറാണ് ബ്രസീലിനെ നിരാശപ്പെടുത്തിയ കാര്യം.

മത്സരത്തിന്റെ 43ആം മിനുട്ടിൽ റാഫിഞ്ഞ ബ്രസീലിനെ മുന്നിൽ എത്തിക്കുകയായിരുന്നു.ഒരു ഫ്രീകിക്കിലൂടെയാണ് അദ്ദേഹം ഗോൾ നേടിയത്. എന്നാൽ 46ആം മിനുട്ടിൽ സെഗോവിയ അവർക്ക് വേണ്ടി സമനില ഗോൾ നേടിക്കൊടുത്തു. പിന്നീട് 62ആം മിനുട്ടിൽ ബ്രസീലിന് അനുകൂലമായി ഒരു പെനാൽറ്റി ലഭിക്കുകയായിരുന്നു.വിനീഷ്യസിന്റെ പെനാൽറ്റി എതിർ ഗോൾകീപ്പർ തടഞ്ഞിടുകയായിരുന്നു. ഇതോടുകൂടിയാണ് ബ്രസീലിന് സമനില കൊണ്ട് തൃപ്തിപ്പെടേണ്ടിവന്നത്.

അതേസമയം അർജന്റീനക്ക് ഇന്ന് ഞെട്ടിക്കുന്ന ഒരു തോൽവി ഏറ്റുവാങ്ങേണ്ടി വന്നിട്ടുണ്ട്. ഒന്നിനെതിരെ 2 ഗോളുകൾക്കാണ് അർജന്റീനയെ പരാഗ്വ പരാജയപ്പെടുത്തിയത്.സൂപ്പർ താരം ലയണൽ മെസ്സി കളിച്ചിട്ടും അർജന്റീനക്ക് തോൽവി ഏറ്റുവാങ്ങേണ്ടി വരികയായിരുന്നു.ലൗറ്ററോയിലൂടെ അർജന്റീനയാണ് ആദ്യം ലീഡ് എടുത്തത്. എന്നാൽ 19ആം മിനുട്ടിലും 47ആം മിനിട്ടിലും അവർ ഗോളുകൾ നേടിയതോടെ അർജന്റീനക്ക് തോൽവി ഏറ്റുവാങ്ങേണ്ടി വരികയായിരുന്നു.

നിലവിൽ പോയിന്റ് പട്ടികയിൽ അർജന്റീന തന്നെയാണ് ഒന്നാം സ്ഥാനത്ത്.ബ്രസീൽ മൂന്നാം സ്ഥാനത്താണ് ഉള്ളത്. അടുത്ത മത്സരത്തിൽ അർജന്റീന പെറുവിനെയും ബ്രസീൽ ഉറുഗ്വയേയും നേരിടും