അദ്ദേഹത്തോളം സ്കിലുള്ള മറ്റൊരു താരമില്ല, ഏറ്റവും അണ്ടറേറ്റഡായ താരം: നെയ്മറെ കുറിച്ച് സാക്ക
ഫുട്ബോൾ ലോകത്തെ സൂപ്പർ താരങ്ങളിൽ ഒരാളായ നെയ്മർ ജൂനിയർ ഇപ്പോൾ വിശ്രമ ജീവിതത്തിലാണുള്ളത്.കഴിഞ്ഞ വർഷം നടന്ന വേൾഡ് കപ്പ് യോഗ്യത മത്സരത്തിൽ നെയ്മർക്ക് അതി ഗുരുതരമായി പരിക്കേൽക്കുകയായിരുന്നു.തുടർന്ന് കഴിഞ്ഞ സീസൺ മുഴുവനും നഷ്ടമായി.ഈ കോപ്പ അമേരിക്കയിൽ നെയ്മർ തിരിച്ചെത്തുമെന്ന് പ്രതീക്ഷിക്കപ്പെട്ടിരുന്നുവെങ്കിലും അതുണ്ടായില്ല. നെയ്മർ ഇപ്പോഴും പരിക്കില്ലെന്നും പൂർണമായും മുക്തനായിട്ടില്ല.
ഇംഗ്ലീഷ് സൂപ്പർ താരമായ ബുകയോ സാക്ക നിലവിൽ യൂറോകപ്പ് കളിച്ചുകൊണ്ടിരിക്കുന്ന ഇംഗ്ലണ്ട് ടീമിനോടൊപ്പമാണ് ഉള്ളത്. തന്റെ പുതിയ അഭിമുഖത്തിൽ അദ്ദേഹം നെയ്മർ ജൂനിയറെ കുറിച്ച് സംസാരിച്ചിട്ടുണ്ട്. നെയ്മറെക്കാള്‍ സ്കില്ലുള്ള മറ്റൊരു താരം ഫുട്ബോൾ ലോകത്തില്ല എന്നാണ് സാക്ക പറഞ്ഞിട്ടുള്ളത്. ഫുട്ബോൾ ലോകത്തെ ഏറ്റവും അണ്ടർ റേറ്റഡായിട്ടുള്ള താരം നെയ്മർ ജൂനിയറാണെന്നും സാക്ക പറഞ്ഞു.അദ്ദേഹത്തിന്റെ വാക്കുകൾ ഇങ്ങനെയാണ്.
” ഏറ്റവും മികച്ച സ്കില്ലുള്ള താരം നെയ്മർ ജൂനിയറാണ്.സ്ക്കില്ലിന്റെ കാര്യത്തിലേക്ക് വരുമ്പോൾ അദ്ദേഹത്തെക്കാൾ മികച്ചവർ കുറവാണ്. ഫുട്ബോൾ ലോകത്തെ ഏറ്റവും അണ്ടർ റേറ്റഡായിട്ടുള്ള താരവും നെയ്മർ ജൂനിയർ തന്നെയാണ്. അദ്ദേഹത്തെക്കുറിച്ച് ആളുകൾ സംസാരിക്കുന്നുണ്ട് എന്നത് ശരി തന്നെ.പക്ഷേ കൂടുതലായിട്ട് നമ്മൾ സംസാരിക്കേണ്ടതുണ്ട്.നിലവിൽ ലഭിച്ചുകൊണ്ടിരിക്കുന്നതിനേക്കാൾ കൂടുതൽ ബഹുമാനം അദ്ദേഹം അർഹിക്കുന്നുണ്ട്. വ്യക്തിപരമായി എനിക്ക് അതാണ് ഫീൽ ചെയ്യുന്നത് “ഇതാണ് ഇംഗ്ലീഷ് സൂപ്പർ താരം പറഞ്ഞിട്ടുള്ളത്.
നിലവിൽ നെയ്മർ ജൂനിയർ സൗദി അറേബ്യൻ ക്ലബ്ബായ അൽ ഹിലാലിന്റെ താരമാണ്.നെയ്മർ യൂറോപ്യൻ ഫുട്ബോൾ അവസാനിപ്പിച്ചതിൽ ആരാധകർക്ക് കടുത്ത നിരാശയുണ്ട്. വരുന്ന സീസൺ കൂടിയാണ് അദ്ദേഹത്തിന് കരാർ അവശേഷിക്കുന്നത്.അതിനുശേഷം അദ്ദേഹം യൂറോപ്പിലേക്ക് തന്നെ മടങ്ങിയെത്തും എന്നാണ് ആരാധകർ പ്രതീക്ഷിക്കുന്നത്.
