സിപോവിച്ച് രക്ഷകൻ,വിജയവഴിയിൽ തിരിച്ചെത്തി ബ്ലാസ്റ്റേഴ്സ്!

കഴിഞ്ഞ മത്സരത്തിലെറ്റ തോൽവിയുടെ ക്ഷീണം തീർത്ത് കേരള ബ്ലാസ്റ്റേഴ്സ്.ഏകപക്ഷീയമായ ഒരു ഗോളിന് ഈസ്റ്റ് ബംഗാളിനെ പരാജയപ്പെടുത്തി കൊണ്ടാണ് കേരള ബ്ലാസ്റ്റേഴ്സ് വിജയ വഴിയിലേക്ക് തിരിച്ചെത്തിയത്. മത്സരത്തിനന്റെ രണ്ടാം പകുതിയിൽ പ്രതിരോധനിര താരം സിപോവിച്ച് നേടിയ ഗോളാണ് ബ്ലാസ്റ്റേഴ്സിന് വിജയം സമ്മാനിച്ചത്. ജയത്തോടെ ബ്ലാസ്റ്റേഴ്സ് പോയിന്റ് ടേബിളിൽ മൂന്നാം സ്ഥാനത്തെത്തി.15 കളികളിൽ നിന്ന് 26 പോയിന്റാണ് ബ്ലാസ്റ്റേഴ്സിന്റെ സമ്പാദ്യം.

പ്രതിരോധനിരയിൽ നിരവധി സൂപ്പർതാരങ്ങൾ ഇല്ലാതെയാണ് ബ്ലാസ്റ്റേഴ്സ് ഇന്ന് കളത്തിലിറങ്ങിയത്. ആദ്യപകുതിയിൽ ഭേദപ്പെട്ട പ്രകടനമാണ് ബ്ലാസ്റ്റേഴ്സ് നടത്തിയതെങ്കിലും ഗോൾ നേടാൻ സാധിച്ചില്ല. രണ്ടാം പകുതിയിലാണ് ബ്ലാസ്റ്റേഴ്സിന്റെ വിജയ ഗോൾ പിറന്നത്.48-ആം മിനുട്ടിൽ പൂട്ടിയയുടെ കോർണർ കിക്കിൽ നിന്നും സിപോവിച്ച് ഒരു ഹെഡ്ഡറിലൂടെ വല കുലുക്കുകയായിരുന്നു.മൂന്ന് ഈസ്റ്റ് ബംഗാൾ താരങ്ങളുടെ ഇടയിൽ നിന്നാണ് സിപോവിച്ച് ഈ ഹെഡർ തൊടുത്തത്.പിന്നീട് ബ്ലാസ്റ്റേഴ്സ് ഈ ഗോളിന്റെ ലീഡിനെ സംരക്ഷിക്കുകയായിരുന്നു.ഇനി ATK മോഹൻ ബഗാനാണ് ബ്ലാസ്റ്റേഴ്സിന്റെ അടുത്ത എതിരാളികൾ.