ഒഫീഷ്യൽ : ബുണ്ടസ്‌ലിഗ തിയ്യതി നിശ്ചയിച്ചു
കോവിഡ് പ്രതിസന്ധി മൂലം നിർത്തിവെച്ച ബുണ്ടസ്‌ലിഗ മെയ് പതിനാറിന് പുനരാരംഭിക്കുമെന്ന് ഔദ്യോഗികമായി സ്ഥിരീകരിച്ചു. ഡിഎഫ്എൽ സിഇഒ ആയ ക്രിസ്ത്യൻ സെയ്ഫെർട്ട് പത്രസമ്മേളനത്തിൽ ഇക്കാര്യം ഔദ്യോഗികമായി സ്ഥിരീകരിച്ചത്. കഴിഞ്ഞ ദിവസം ജർമ്മൻ ചാൻസിലർ എയ്ഞ്ചല മെർക്കൽ ബുണ്ടസ്‌ലിഗ പുനരാരംഭിക്കാൻ അനുമതി നൽകിയിരുന്നു. ഇതിനെ തുടർന്നാണ് ഡിഎഫ്എൽ ഔദ്യോഗികമായി തിയ്യതി നിശ്ചയിച്ചത്.
അടച്ചിട്ട സ്റ്റേഡിയത്തിലാണ് മത്സരങ്ങൾ നടക്കുക എന്നും അധികൃതർ അറിയിച്ചിട്ടുണ്ട്. മെയ് പതിനാറിന് മുന്നോടിയായി ടീമുകൾ പരിശീലനം നടത്തും. മെയ് പതിനേഴിന് യൂണിയൻ ബെർലിനെതിരെയാണ് ബയേൺ മ്യൂണിക്കിന്റെ മത്സരം.
