38ന്റെ ചെറുപ്പം,വീണ്ടും റെക്കോർഡിട്ട് CR7!

ഇന്നലെ എഎഫ്സി ചാമ്പ്യൻസ് ലീഗ് യോഗ്യത മത്സരത്തിൽ അൽ നസ്ർ വിജയം നേടിയിരുന്നു. രണ്ടിനെതിരെ നാലു ഗോളുകൾക്കാണ് അൽ നസ്ർ ശബാബ് അൽ അഹ്ലിയെ പരാജയപ്പെടുത്തിയത്. ഒരു ഘട്ടത്തിൽ ഏറെ സമയം പിറകിൽ പോയ അൽ നസ്ർ പിന്നീട് മൂന്ന് ഗോളുകൾ നേടി കൊണ്ട് വിജയം നേടുകയും യോഗ്യത കരസ്ഥമാക്കുകയും ചെയ്യുകയായിരുന്നു.

മത്സരത്തിൽ ഗോളുകൾ നേടാൻ സൂപ്പർ താരം ക്രിസ്റ്റ്യാനോ റൊണാൾഡോക്ക് കഴിഞ്ഞിരുന്നില്ല. എന്നാൽ ഏറ്റവും അവസാനത്തിൽ ബ്രോസോവിച്ച് നേടിയ ഗോളിന് അസിസ്റ്റ് നൽകിയത് ക്രിസ്റ്റ്യാനോ റൊണാൾഡോ ആയിരുന്നു.ഇതോടുകൂടി ഒരു റെക്കോർഡ് റൊണാൾഡോ കുറിച്ചിട്ടുണ്ട്. ഈ സീസണിലും ഗോളും അസിസ്റ്റും നേടാൻ റൊണാൾഡോക്ക് കഴിഞ്ഞിട്ടുണ്ട്.

തുടർച്ചയായ ഇരുപത്തിരണ്ടാം സീസണിൽ ആണ് റൊണാൾഡോ ഗോളും അസിസ്റ്റും നേടുന്നത്.അതായത് ഫുട്ബോൾ ചരിത്രത്തിൽ ആരും തന്നെ തുടർച്ചയായി 22 സീസണുകളിൽ ഗോളും അസിസ്റ്റും നേടിയിട്ടില്ല.ആദ്യത്തെ വ്യക്തി റൊണാൾഡോയാണ്. ഈ സീസണിൽ ആകെ 6 ഗോളുകളും ഒരു അസിസ്റ്റുമാണ് ക്രിസ്റ്റ്യാനോ റൊണാൾഡോയുടെ സമ്പാദ്യം. റെക്കോർഡ് വേട്ട റൊണാൾഡോ ഈ 38 ആം വയസ്സിലും തുടരുകയാണ്.