റിയാദിൽ കാണിച്ചു തരാം: തോറ്റതിന് പിന്നാലെ ക്രിസ്റ്റ്യാനോ പറഞ്ഞുവെന്ന് എതിർ താരം

ഇന്നലെ AFC ചാമ്പ്യൻസ് ലീഗിൽ നടന്ന ക്വാർട്ടർ ഫൈനൽ പോരാട്ടത്തിൽ സൗദി അറേബ്യൻ വമ്പൻമാരായ അൽ നസ്റിന് പരാജയം ഏൽക്കേണ്ടി വന്നിരുന്നു. ഏകപക്ഷീയമായ ഒരു ഗോളിനാണ് UAE ക്ലബ്ബായ അൽ ഐൻ അൽ നസ്റിനെ തോൽപ്പിച്ചത്.ഈ ആദ്യ പാദ പോരാട്ടം അൽ ഐനിന്റെ മൈതാനത്ത് വെച്ചുകൊണ്ടാണ് നടന്നിട്ടുള്ളത്. രണ്ടാം പാദ പോരാട്ടമാണ് അൽ നസ്റിന്റെ മൈതാനമായ റിയാദിൽ വെച്ചുകൊണ്ട് നടക്കുക.

മത്സരത്തിൽ ക്രിസ്റ്റ്യാനോ റൊണാൾഡോ ഉണ്ടായിരുന്നുവെങ്കിലും അദ്ദേഹത്തിന് ഗോളുകൾ ഒന്നും നേടാൻ കഴിഞ്ഞിരുന്നില്ല. പക്ഷേ റിയാദിൽ തിരിച്ചുവരാനുള്ള അവസരം അവരുടെ മുന്നിലുണ്ട്. എന്നാൽ ഇന്നലെ മത്സരത്തിൽ അയ്മറിക്ക് ലപോർട്ടക്ക് റെഡ് കാർഡ് വഴങ്ങേണ്ടി വന്നത് ക്ലബ്ബിന് തിരിച്ചടി ഏൽപ്പിക്കുന്ന ഒരു കാര്യമാണ്. ഇതിനിടെ രണ്ടാം പാദ പോരാട്ടത്തിൽ തിരിച്ചടിക്കാൻ കഴിയുമെന്നുള്ള ആത്മവിശ്വാസത്തിലാണ് ഇപ്പോൾ ക്രിസ്റ്റ്യാനോ റൊണാൾഡോ ഉള്ളത്. ഇക്കാര്യം അദ്ദേഹം എതിർ താരത്തോട് പറയുകയും ചെയ്തു.

അൽ ഐൻ താരമായ ഖാലിദ് ഹാഷെമിയാണ് ഇക്കാര്യം പറഞ്ഞിട്ടുള്ളത്. അതായത് രണ്ടാം പാത മത്സരത്തിൽ റിയാദിൽ വെച്ച് കൊണ്ട് അൽ നസ്ർ വിജയിക്കുമെന്നാണ് റൊണാൾഡോ എന്നോട് പറഞ്ഞത് എന്നാണ് അൽ ഐൻ താരം പറഞ്ഞിട്ടുള്ളത്.ക്രിസ്റ്റ്യാനോ റൊണാൾഡോ ആത്മവിശ്വാസത്തിൽ തന്നെയാണ്. സെക്കൻഡ് ലെഗ്ഗിൽ എതിരാളികളെ പരാജയപ്പെടുത്തിക്കൊണ്ട് സെമിയിൽ പ്രവേശിക്കാൻ കഴിയും എന്ന ആത്മവിശ്വാസത്തിൽ തന്നെയാണ് റൊണാൾഡോ ഉള്ളത്.മത്സരം കഴിഞ്ഞ് പോകുന്ന സമയത്തും റൊണാൾഡോ റിയാദിൽ കാണാം എന്ന് ആരാധകരോട് ചൂണ്ടിക്കാണിക്കുകയും ചെയ്തിട്ടുണ്ട്.