നെയ്മർ അൽ ഹിലാലിലേക്ക്,മെഡിക്കൽ ബുക്ക് ചെയ്തുവെന്ന് ഫാബ്രിസിയോ.

ബ്രസീലിയൻ സൂപ്പർ താരമായ നെയ്മർ ജൂനിയറും സൗദി അറേബ്യയിലേക്ക് പോവുകയാണ്. സൗദി അറേബ്യൻ വമ്പൻമാരായ അൽ ഹിലാലാണ് നെയ്മർ ജൂനിയറെ സ്വന്തമാക്കുന്നത്.ഡീൽ ഒഫീഷ്യലാവുന്നതിന്റെ തൊട്ടരികിൽ ഇപ്പോൾ കാര്യങ്ങൾ എല്ലാം എത്തിക്കഴിഞ്ഞിട്ടുണ്ട്.ഫാബ്രിസിയോ റൊമാനോ ഇതിന്റെ കൂടുതൽ വിവരങ്ങൾ പുറത്തു വിട്ടിട്ടുണ്ട്.

നെയ്മർ ജൂനിയറുടെ ഡോക്കുമെന്റുകൾ വളരെ പെട്ടെന്ന് പരിശോധിച്ച്, എത്രയും പെട്ടെന്ന് തന്നെ ഒഫീഷ്യൽ പ്രഖ്യാപനം നടത്താനുള്ള ശ്രമമാണ് അൽ ഹിലാൽ നടത്തുന്നത്.രണ്ടു വർഷത്തെ ഒരു കരാർ ആണ് നെയ്മർക്ക് ക്ലബ്ബ് വാഗ്ദാനം ചെയ്തിരിക്കുന്നത്.നെയ്മർ ഇത് സ്വീകരിച്ചു കഴിഞ്ഞു,പിഎസ്ജിയും ഇത് സ്വീകരിച്ചു കഴിഞ്ഞു.വലിയ സാലറിയാണ് നെയ്മർക്ക് ഇവർ ഓഫർ ചെയ്തിരിക്കുന്നത്.

മാത്രമല്ല അൽഹിലാൽ മെഡിക്കൽ ബുക്ക് ചെയ്തിട്ടുണ്ട്. ഇനി ലഭിക്കേണ്ടത് നെയ്മറുടെ ക്യാമ്പിൽ നിന്നുമുള്ള അവസാനത്തെ അനുമതി മാത്രമാണ്.നെയ്മർ ഉടൻതന്നെ സൗദിയിലേക്ക് പറക്കും എന്നാണ് പ്രതീക്ഷിക്കപ്പെടുന്നത്.മറ്റുള്ള ക്ലബ്ബുകളിൽ നിന്നും ഓഫറുകൾ ഇല്ലാത്തതാണ് നെയ്മർ അൽ ഹിലാലിനെ പ്രധാനമായും സ്വീകരിക്കാൻ കാരണമായത്.