ആരാധകരാണ് എന്റെ ശക്തി,ഈ വിജയം റൊണാൾഡോ ഫാൻസിന് സമർപ്പിക്കുന്നു:ക്രിസ്റ്റ്യാനോ

ഇന്നലെ AFC ചാമ്പ്യൻസ് ലീഗിൽ നടന്ന മത്സരത്തിൽ മികച്ച വിജയം സ്വന്തമാക്കാൻ അൽ നസ്റിന് സാധിച്ചിരുന്നു. ഒന്നിനെതിരെ മൂന്ന് ഗോളുകൾക്കാണ് ഖത്തരി ക്ലബ്ബായ അൽ ഘറാഫയെ അൽ നസ്ർ പരാജയപ്പെടുത്തിയത്. സൂപ്പർ താരം ക്രിസ്റ്റ്യാനോ റൊണാൾഡോ തന്നെയാണ് മത്സരത്തിൽ തിളങ്ങിയിട്ടുള്ളത്.രണ്ട് ഗോളുകൾ നേടാൻ അദ്ദേഹത്തിന് കഴിഞ്ഞു.

ഈ സീസണിലും മികച്ച പ്രകടനം തുടരാൻ റൊണാൾഡോക്ക് കഴിയുന്നുണ്ട്.മത്സരശേഷം തന്റെ ആരാധകരെ കുറിച്ച് ഒരുപാട് കാര്യങ്ങൾ റൊണാൾഡോ പറഞ്ഞിട്ടുണ്ട്. ആരാധകരാണ് തന്റെ ശക്തിയെന്നും ഈ വിജയം ക്ലബ്ബിന്റെ ആരാധകർക്കും റൊണാൾഡോ ഫാൻസിനും സമർപ്പിക്കുന്നു എന്നും ക്രിസ്റ്റ്യാനോ പറഞ്ഞിട്ടുണ്ട്. മത്സരശേഷം അദ്ദേഹം പറഞ്ഞത് ഇങ്ങനെയാണ്.

” ആരാധകരുടെ സാന്നിധ്യവുംഅവരുടെ സന്തോഷവുമാണ് എന്നെ മുന്നോട്ടു നയിക്കുന്നത്. പ്രത്യേകിച്ച് കുട്ടികളുടെ പിന്തുണ എനിക്ക് വളരെയധികം പാഷൻ നൽകുന്നു. എല്ലാ പ്രായത്തിലുമുള്ള ഒരുപാട് ആരാധകർ ഞങ്ങളെ സപ്പോർട്ട് ചെയ്യുന്നു.ഗോളുകൾ നേടാൻ കഴിഞ്ഞതിലും അവരെ സന്തോഷിപ്പിക്കാൻ കഴിഞ്ഞതിലും ഞാൻ ഹാപ്പിയാണ്. ഞാൻ ഏറ്റവും കൂടുതൽ ശ്രദ്ധ നൽകുന്നത് ഗോളുകൾ ടീമിന്റെ വിജയത്തിലുമാണ്.ടീം വിജയിച്ചു കഴിഞ്ഞാൽ ഞാൻ ഹാപ്പിയാണ്.ഈ വിജയം ടീമിന്റെ ആരാധകർക്കും റൊണാൾഡോ ആരാധകർക്കും സമർപ്പിക്കുന്നു. എന്നെ സംബന്ധിച്ചിടത്തോളം ഏറ്റവും പ്രധാനപ്പെട്ട കാര്യം ടീമിന്റെ വിജയം തന്നെയാണ്.എതിരാളികൾ മികച്ചതായിരുന്നു.പക്ഷേ ഓർഗനൈസേഷനാണ് ഞങ്ങളെ ഈ വിജയത്തിലേക്ക് നയിച്ചത്.ആദ്യപകുതിയിൽ സൃഷ്ടിച്ചെടുത്ത അവസരങ്ങൾ ഗോളാക്കി മാറ്റാൻ ഞങ്ങൾക്ക് കഴിഞ്ഞിരുന്നില്ല. എന്നാൽ രണ്ടാം പകുതിയിൽ ഞങ്ങൾ എല്ലാം ഗോളാക്കി മാറ്റി ‘ ഇതാണ് റൊണാൾഡോ പറഞ്ഞിട്ടുള്ളത്.

39 കാരനായ റൊണാൾഡോ ഇപ്പോഴും ഗോൾ വേട്ട തുടരുകയാണ്. ഈ കലണ്ടർ വർഷത്തിൽ 40 ഗോളുകൾ പൂർത്തിയാക്കാൻ റൊണാൾഡോക്ക് കഴിഞ്ഞു. ഇത് പതിമൂന്നാം തവണയാണ് ഒരു കലണ്ടർ വർഷത്തിൽ റൊണാൾഡോ 40 ഗോളുകൾ നേടുന്നത്. കഴിഞ്ഞ കലണ്ടർ വർഷത്തിൽ ഏറ്റവും കൂടുതൽ ഗോളുകൾ നേടിയ താരവും റൊണാൾഡോ തന്നെയായിരുന്നു.