ഡച്ച് വിപ്ലവത്തിന് ഇനി ചാവി മന്ത്രം: ദേശീയ ടീം പരിശീലകനായി ചാവി ഹെർണാണ്ടസ് ചുമതലയേറ്റു

          ഡച്ച് ഫുട്ബോളിന്റെ ചരിത്രത്തിൽ ഒരു പുതിയ അധ്യായത്തിന് തുടക്കമിട്ടുകൊണ്ട്, മ

മുൻ ബാഴ്‌സലോണ പരിശീലകനും സ്പാനിഷ് ഇതിഹാസവുമായ ചാവി ഹെർണാണ്ടസിനെ (Xavi Hernández) നെതർലൻഡ്സ് ദേശീയ ടീമിന്റെ പുതിയ മുഖ്യ പരിശീലകനായി പ്രഖ്യാപിച്ചു. 2030 ഫിഫ ലോകകപ്പ് വരെ നീളുന്ന നാല് വർഷത്തെ കരാറിലാണ് 46-കാരനായ ചാവി ഒപ്പുവെച്ചിരിക്കുന്നത്.ലോകകപ്പിലെ നിരാശാജനകമായ പ്രകടനത്തിന് ശേഷം സ്ഥാനമൊഴിഞ്ഞ റൊണാൾഡ് കോമാന് (Ronald Koeman) പകരക്കാരനായാണ് ചാവി എത്തുന്നത്.
കഴിഞ്ഞ 48 വർഷത്തിനിടെ ഡച്ച് ദേശീയ ടീമിന്റെ പരിശീലകനാകുന്ന ആദ്യത്തെ വിദേശിയാണ് ചാവി. 1978-ൽ ഓസ്ട്രിയൻ പരിശീലകൻ ഏണസ്റ്റ് ഹാപ്പൽ ചുമതലയേറ്റ ശേഷം ഇതാദ്യമായാണ് ഒരു വിദേശ പരിശീലകന് നെതർലൻഡ്സ് ചുമതല നൽകുന്നത്.

       2024-ൽ ബാഴ്‌സലോണ വിട്ടതിനുശേഷം പരിശീലക രംഗത്ത് നിന്ന് വിട്ടുനിന്ന ചാവിക്ക്, ഒരു ദേശീയ ടീമിനൊപ്പം ഇത് കന്നി ദൗത്യമാണ്.നിയമനത്തിന് ശേഷം സംസാരിച്ച ചാവി, ഡച്ച് ഫുട്ബോളിനോടുള്ള തന്റെ ആഴത്തിലുള്ള വൈകാരിക ബന്ധം വ്യക്തമാക്കി:
“നെതർലൻഡ്സ് ടീമിന്റെ പരിശീലകനാകാൻ കഴിഞ്ഞതിൽ വലിയ അഭിമാനമുണ്ട്. ലാ മാസിയയിലൂടെയും (FC Barcelona Academy) ജോഹാൻ ക്രൈഫ്, റീനസ് മിഷെൽസ് എന്നിവരുടെ ആശയങ്ങളിലൂടെയും വളർന്നുവന്ന എനിക്ക് ഡച്ച് ഫുട്ബോളിനോട് എപ്പോഴും പ്രത്യേക ബന്ധമുണ്ട്. ഒരു തരത്തിൽ പറഞ്ഞാൽ ഞാൻ ഡച്ച് ഫുട്ബോളിന്റെ ഒരു ‘പുത്രൻ’ ആണ്.”

       സെപ്റ്റംബർ 24-ന് യുവേഫ നാഷൻസ് ലീഗിൽ ജർമ്മനിക്കെതിരെയാണ് ചാവിയുടെ കീഴിൽ നെതർലൻഡ്സിന്റെ ആദ്യ മത്സരം.ബാഴ്‌സലോണയിലെ ചാവിയുടെ മുൻ സഹതാരമായിരുന്ന പാട്രിക് ക്ലൈവർട്ട് (Patrick Kluivert) ചാവിയുടെ അസിസ്റ്റന്റായി ബെഞ്ചിലുണ്ടാകും.
യുറോ 2028-ലും 2030 ലോകകപ്പിലും ഓറഞ്ച് പടയെ വിജയവഴിയിൽ തിരിച്ചെത്തിക്കുക എന്ന വലിയ ലക്ഷ്യത്തിലേക്കാണ് ചാവി ഇനി പന്തുകളിക്കുക.