2030 ലോകകപ്പ്: കിരീട സാധ്യതയിൽ മുന്നിൽ ആര്? പവർ റാങ്കിംഗ് പുറത്ത് !

2026 ലോകകപ്പ് ഫൈനലിൽ അർജന്റീനയെ 1-0 ന് പരാജയപ്പെടുത്തി സ്പെയിൻ തങ്ങളുടെ രണ്ടാം ലോകകപ്പ് കിരീടം ചൂടി ദിവസങ്ങൾക്കുള്ളിൽ തന്നെ, 2030 ലോകകപ്പിനായുള്ള ആദ്യ പവർ റാങ്കിംഗ് പുറത്തുവിട്ട് ESPN. 19 കായിക മാധ്യമപ്രവർത്തകർ അടങ്ങിയ പ്രത്യേക പാനലാണ് ഈ റാങ്കിംഗ് തയ്യാറാക്കിയത്. റാങ്കിംഗിൽ ബഹുഭൂരിപക്ഷം പേരുടെയും പിന്തുണയോടെ സ്പെയിൻ ഒന്നാം സ്ഥാനം നിലനിർത്തി. 19 വോട്ടുകളിൽ 15 ഒന്നാം സ്ഥാന വോട്ടുകളും നേടി സ്പെയിൻ തന്നെയാണ് അടുത്ത ലോകകപ്പിലും കിരീടം നിലനിർത്താൻ ഏറ്റവും കൂടുതൽ സാധ്യതയുള്ള ടീമായി തിരഞ്ഞെടുക്കപ്പെട്ടത്. ലാമിൻ യമാൽ ഉൾപ്പെടെയുള്ള യുവതാരങ്ങളുടെ സാന്നിധ്യവും മികച്ച ടീം ഡെപ്തുമാണ് സ്പെയിനിന് കരുത്താകുന്നത്. ആദ്യ 10 സ്ഥാനങ്ങളിലുള്ള ടീമുകൾ:

​1. സ്പെയിൻ (15 ഫസ്റ്റ്-പ്ലേസ് വോട്ടുകൾ) – ഫിഫ റാങ്കിംഗ്: 1
​2. ഫ്രാൻസ് (4 ഫസ്റ്റ്-പ്ലേസ് വോട്ടുകൾ) – ഫിഫ റാങ്കിംഗ്: 3
​3. ഇംഗ്ലണ്ട് – ഫിഫ റാങ്കിംഗ്: 4
​4. പോർച്ചുഗൽ – ഫിഫ റാങ്കിംഗ്: 7
​5. ബ്രസീൽ – ഫിഫ റാങ്കിംഗ്: 5
​6. മൊറോക്കോ – ഫിഫ റാങ്കിംഗ്: 6
​7. അർജന്റീന – ഫിഫ റാങ്കിംഗ്: 2
​8. ജർമ്മനി – ഫിഫ റാങ്കിംഗ്: 12
​9. നോർവേ – ഫിഫ റാങ്കിംഗ്: 19
​10. നെതർലാൻഡ്സ് – ഫിഫ റാങ്കിംഗ്: 9
മറ്റ് പ്രധാന ടീമുകൾ: ബെൽജിയം (11), ഇറ്റലി (12), കൊളംബിയ (13), ജപ്പാൻ (14), മെക്സിക്കോ (15) എന്നീ സ്ഥാനങ്ങളിലുമുണ്ട്.
4 ഫസ്റ്റ്-പ്ലേസ് വോട്ടുകളോടെ ഫ്രാൻസ് രണ്ടാം സ്ഥാനത്തുണ്ട്. കഴിഞ്ഞ ഫൈനലിസ്റ്റുകളായ അർജന്റീന ഏഴാം സ്ഥാനത്തേക്ക് പിന്തള്ളപ്പെട്ടപ്പോൾ, യുവനിരയുമായി എത്തുന്ന മൊറോക്കോയും നോർവേയും ആദ്യ പത്തിൽ ഇടംപിടിച്ചത് ശ്രദ്ധേയമായി.