‘സ്പെയിൻ ഏറെ ബെറ്ററായിരുന്നു, അടുത്ത 15 വർഷവും ഞങ്ങൾ ഇങ്ങനെ തന്നെ കളിക്കും’: തോൽവിയിലും തനത് ശൈലി ഉയർത്തിപ്പിടിച്ച് അർജന്റീന കോച്ചിംഗ് സ്റ്റാഫ്

     2026 ഫിഫ ലോകകപ്പ് ഫൈനലിൽ സ്പെയിനോടേറ്റ തോൽവിക്ക് ശേഷം പ്രതികരണവുമായി അർജന്റീന പരിശീലകസംഘാംഗവും വീഡിയോ അനലിസ്റ്റുമായ മത്യാസ് മാന്ന. ഫൈനൽ മത്സരത്തിൽ അർജന്റീനയേക്കാൾ വളരെ മെച്ചപ്പെട്ട പ്രകടനമാണ് സ്പെയിൻ പുറത്തെടുത്തതെന്ന് അദ്ദേഹം തുറന്നുപറഞ്ഞു.
സോഷ്യൽ മീഡിയയിൽ പ്രചരിക്കുന്ന ഊഹാപോഹങ്ങളെ തള്ളിക്കളഞ്ഞ മാന്ന, കളിക്കളത്തിലാണ് കാര്യങ്ങൾ തീരുമാനിക്കപ്പെട്ടതെന്ന് വ്യക്തമാക്കി.

  “ഞാൻ ഫൈനൽ മത്സരം ഒന്നിലധികം തവണ വീണ്ടും കണ്ടു. മത്സരത്തിലുടനീളം സ്പെയിൻ മികച്ച പ്രകടനമാണ് കാഴ്ചവെച്ചത്,” മാന്ന പറഞ്ഞു.തോൽവി നേരിട്ടെങ്കിലും അർജന്റീനയുടെ കളിശൈലി മാറില്ലെന്ന് അദ്ദേഹം ഉറപ്പിച്ചു പറഞ്ഞു. “ചെറിയ പാസുകളിലൂടെയും കൂട്ടായ്മയിലൂടെയും കെട്ടിപ്പടുക്കുന്ന അർജന്റീനയുടെ ഈ ശൈലി അടുത്ത 15 വർഷവും തുടരുമെന്നാണ് പ്രതീക്ഷിക്കുന്നത്. ജൂനിയർ തലത്തിലുള്ള കുട്ടികളും ഈ ശൈലിയിലാണ് ഇപ്പോൾ പരിശീലിക്കുന്നത്.”ഫൈനലിന് മുൻപ് ഡ്രെസ്സിംഗ് റൂമിൽ പ്രശ്നങ്ങളുണ്ടായി എന്ന രീതിയിൽ വന്ന പ്രചരണങ്ങൾ അദ്ദേഹം നിഷേധിച്ചു. “ഇത്തരം വലിയ മത്സരങ്ങൾ തോൽക്കുമ്പോൾ ഊഹാപോഹങ്ങൾ സ്വാഭാവികമാണ്. എന്നാൽ മൈതാനത്ത് മെച്ചപ്പെട്ട പ്രകടനം പുറത്തെടുത്തവർക്കാണ് വിജയം ലഭിച്ചത്, അതിൽ സ്പെയിനെ അഭിനന്ദിക്കുന്നു,” മാന്ന വ്യക്തമാക്കി.

ലയണൽ സ്കലോണിയുടെ കീഴിൽ അർജന്റീന പടുത്തുയർത്തിയ കളിയുടെ സ്വത്വം ഇനിയും തുടരുമെന്നും, ടീമിന്റെ ഭാവി സുരക്ഷിതമാണെന്നും വ്യക്തമാക്കുന്നതായിരുന്നു അദ്ദേഹത്തിന്റെ വാക്കുകൾ.