ലോകകപ്പ് ഫൈനൽ സ്വപ്നം; ഫുട്ബോളിനായി സ്വന്തം വിവാഹം മാറ്റിവെച്ച് പോർച്ചുഗൽ താരം!

      2026 ഫിഫ ലോകകപ്പ് ഫൈനലിൽ തന്റെ രാജ്യത്തിനായി കളിക്കുക എന്ന വലിയ സ്വപ്നത്തിനായി സ്വന്തം വിവാഹം മാറ്റിവെച്ചിരിക്കുകയാണ് പോർച്ചുഗലിന്റെ സൂപ്പർ സ്ട്രൈക്കർ ഗോൺസാലോ റാമോസ്. ആദ്യം നിശ്ചയിച്ചിരുന്ന തീയതിയിൽ നിന്നും ഒരു ആഴ്ച നീട്ടിയാണ് താരം ഇപ്പോൾ വിവാഹിതനാകാൻ ഒരുങ്ങുന്നത്. ജൂലൈ 18-നായിരുന്നു ആദ്യം റാമോസിന്റെ വിവാഹം നിശ്ചയിച്ചിരുന്നത്. എന്നാൽ ലോകകപ്പ് ഫൈനൽ ജൂലൈ 19-ന് നടക്കുന്നതിനാൽ വിവാഹം ജൂലൈ 25-ലേക്ക് മാറ്റുകയായിരുന്നു.

    “ഞങ്ങൾ എന്തായാലും ലോകകപ്പ് ഫൈനലിൽ എത്തുമെന്നാണ് പ്രതീക്ഷിക്കുന്നത്. അതുകൊണ്ടാണ് ഒരു വാരം മുൻപ് നടത്താനിരുന്ന വിവാഹം ലോകകപ്പ് കഴിഞ്ഞ് ഒരാഴ്ചയ്ക്ക് ശേഷമുള്ള തീയതിയിലേക്ക് മാറ്റിയത്.” എന്നാണ് താരം പറഞ്ഞത്.
രാജ്യത്തോടുള്ള താരത്തിന്റെ ഈ പ്രതിബദ്ധതയ്ക്കും ആത്മവിശ്വാസത്തിനും സോഷ്യൽ മീഡിയയിൽ വലിയ രീതിയിലുള്ള പിന്തുണയാണ് ഫുട്ബോൾ ആരാധകർ നൽകുന്നത്.