ബ്രസീലിനെ പൂട്ടി മൊറോക്കോ; രക്ഷകനായി വിനിയുടെ വെടിക്കെട്ട് ഗോൾ!

ഫിഫ ലോകകപ്പിലെ ആവേശപ്പോരാട്ടത്തിൽ കരുത്തരായ കാനറികളെ കട്ടക്ക് കട്ടയ്ക്ക് തളച്ച് മൊറോക്കോ! ഇരുടീമുകളും ഓരോ ഗോൾ വീതം അടിച്ച് സമനിലയിൽ പിരിഞ്ഞു (1-1).
മത്സരത്തിന്റെ തുടക്കം മുതൽ തന്നെ ആഫ്രിക്കൻ കരുത്തരായ മൊറോക്കോ മികച്ച ആക്രമണ ഫുട്ബോളാണ് പുറത്തെടുത്തത്. ബ്രസീലിയൻ പ്രതിരോധത്തെയും മധ്യനിരയെയും സമ്മർദ്ദത്തിലാക്കാൻ അവർക്കായി.
മത്സരത്തിന്റെ 21-ാം മിനിറ്റിൽ ഇസ്മായിൽ സൈബാരിയിലൂടെ മൊറോക്കോയാണ് ആദ്യം മുന്നിലെത്തിയത്. ബ്രസീലിയൻ ഡിഫൻസിനെ കാഴ്ചക്കാരാക്കി സൈബാരി ഉതിർത്ത ഷോട്ട് വലകുലുക്കുകയായിരുന്നു.
ഗോൾ വഴങ്ങിയതിന് ശേഷം ബ്രസീൽ തങ്ങളുടെ ആക്രമണത്തിന് മൂർച്ച കൂട്ടി. 32-ാം മിനിറ്റിൽ ബോക്സിനുള്ളിൽ പന്ത് സ്വീകരിച്ച വിനീഷ്യസ് , മൊറോക്കോ പ്രതിരോധത്തെ വെട്ടിച്ച് ഒരു കിടിലൻ ഗോളിലൂടെ ബ്രസീലിനെ ഒപ്പമെത്തിച്ചു. വിനിയുടെ ഈ തകർപ്പൻ ഗോൾ ബ്രസീൽ ആരാധകർക്ക് വലിയ ആവേശമാണ് നൽകിയത്.