നീയെന്താ ഇന്ന് കളിക്കാത്തത്? ആരാധകനെതിരെ തിരിച്ചടിച്ച് ഗർനാച്ചോ!

ഇന്നലെ യൂറോപ ലീഗിൽ നടന്ന മത്സരത്തിൽ വിജയം നേടാൻ മാഞ്ചസ്റ്റർ യുണൈറ്റഡിന് സാധിച്ചിരുന്നു. എതിരില്ലാത്ത രണ്ട് ഗോളുകൾക്ക് ഗ്രീക്ക് ക്ലബ്ബിനെയാണ് അവർ പരാജയപ്പെടുത്തിയിട്ടുള്ളത്. സൂപ്പർ താരം അമദ് ഡയാലോയാണ് മത്സരത്തിൽ തിളങ്ങിയിട്ടുള്ളത്.രണ്ട് ഗോളുകളും നേടിയത് അദ്ദേഹമാണ്.മാഞ്ചസ്റ്റർ യുണൈറ്റഡിന്റെ മൈതാനമായ ഓൾഡ് ട്രാഫോർഡിൽ വെച്ചു കൊണ്ടായിരുന്നു ഈ മത്സരം നടന്നിരുന്നത്.

ഈ മത്സരത്തിന് വേണ്ടി സ്റ്റേഡിയത്തിലേക്ക് എത്തുന്ന സമയത്ത് അർജന്റൈൻ സൂപ്പർ താരമായ ഗർനാച്ചോ ആരാധകർക്കൊപ്പം സമയം ചിലവഴിച്ചിരുന്നു.ഓട്ടോഗ്രാഫ് നൽകാനും ഫോട്ടോ എടുക്കാനും അദ്ദേഹം തയ്യാറാവുകയായിരുന്നു. ഇതിനിടയിൽ ഒരു ആരാധകൻ അദ്ദേഹത്തിന് ചില ഉപദേശങ്ങൾ നൽകിയിരുന്നു.ആ ഉപദേശം ഇങ്ങനെയാണ്.

“ഇന്ന് നല്ല രീതിയിൽ പാസ് നൽകണം.ഗോൾ അടിക്കുകയും വേണം.ഫസ്റ്റ്‌ ടച്ച് മെച്ചപ്പെടുത്തുകയും വേണം ” ഇതായിരുന്നു അർജന്റൈൻ താരത്തോട് ആരാധകൻ പറഞ്ഞിരുന്നത്. എന്നാൽ ഗർനാച്ചോക്ക് ഇത് പിടിച്ചിട്ടില്ല. അദ്ദേഹം പരിഹാസ രൂപേണ മറുപടി നൽകുകയും ചെയ്തു.

” നീ എന്താ ഇന്നത്തെ മത്സരത്തിൽ കളിക്കാത്തത് എന്നാണ് ” കളിയാക്കിക്കൊണ്ട് ഗർനാച്ചോ ആ ആരാധകനോട് ചോദിച്ചിട്ടുള്ളത്. തനിക്ക് ഉപദേശങ്ങൾ നൽകിയ ആരാധകനെ ഒന്ന് ട്രോളി വിടുകയാണ് ഗർനാച്ചോ ചെയ്തിട്ടുള്ളത്.

മത്സരത്തിന്റെ സ്റ്റാർട്ടിങ് ഇലവനിൽ ഇടം നേടാൻ ഗർനാച്ചോക്ക് സാധിച്ചിരുന്നു. എന്നാൽ അദ്ദേഹത്തിന് ഗോളുകളോ അസിസ്റ്റുകളോ നേടാൻ കഴിഞ്ഞിരുന്നില്ല.ഈ സീസണിൽ മോശമല്ലാത്ത പ്രകടനം ഗർനാച്ചോ പുറത്തെടുക്കുന്നുണ്ട്.5 ഗോളുകളും 4 അസിസ്റ്റുകളും അദ്ദേഹം യുണൈറ്റഡിന് വേണ്ടി സ്വന്തമാക്കിയിട്ടുണ്ട്.