അന്ന് നിങ്ങൾ കാസമിറോയോട് ചെയ്തത് നീതികേട്: നിസ്റ്റൽറൂയി

ഇന്നലെ കരബാവോ കപ്പിൽ നടന്ന മത്സരത്തിൽ ഗംഭീര വിജയമാണ് മാഞ്ചസ്റ്റർ യുണൈറ്റഡ് സ്വന്തമാക്കിയത്. രണ്ടിനെതിരെ 5 ഗോളുകൾക്കാണ് അവർ ലെസ്റ്റർ സിറ്റിയെ പരാജയപ്പെടുത്തിയത്. മത്സരത്തിൽ ബ്രസീലിയൻ സൂപ്പർ താരമായ കാസമിറോ ഇരട്ട ഗോളുകൾ നേടിയിരുന്നു.ബ്രൂണോ ഫെർണാണ്ടസ് ഇരട്ട ഗോളുകളും ഗർനാച്ചോ ഒരു ഗോളും ഒരു അസിസ്റ്റും സ്വന്തമാക്കിയിട്ടുണ്ട്.ടെൻഹാഗിനെ പുറത്താക്കിയ തൊട്ടടുത്ത മത്സരത്തിൽ തന്നെ യുണൈറ്റഡ് ഗംഭീര പ്രകടനം നടത്തിയത് ഏവരെയും അത്ഭുതപ്പെടുത്തിയിട്ടുണ്ട്.

ലിവർപൂളിനോട് കഴിഞ്ഞ മത്സരത്തിൽ യുണൈറ്റഡ് പരാജയപ്പെടുകയായിരുന്നു ചെയ്തിരുന്നത്. മത്സരത്തിൽ മോശം പ്രകടനമായിരുന്നു കാസമിറോ നടത്തിയിരുന്നത്. അദ്ദേഹത്തിന്റെ പിഴവുകൾ കാരണമായിരുന്നു അന്ന് യുണൈറ്റഡിന് ഗോളുകൾ വഴങ്ങേണ്ടി വന്നിരുന്നത്. അതിന്റെ പേരിൽ വലിയ വിമർശനങ്ങളും അദ്ദേഹത്തിന് ഏറ്റുവാങ്ങേണ്ടി വന്നു. എന്നാൽ അന്ന് കാസമിറോയോട് ചെയ്തത് തികഞ്ഞ നീതികേടായിരുന്നു എന്നത് യുണൈറ്റഡിന്റെ താൽക്കാലിക പരിശീലകനായ നിസ്റ്റൽറൂയി പറഞ്ഞിട്ടുണ്ട്.അദ്ദേഹത്തിന്റെ വാക്കുകൾ ഇങ്ങനെയാണ്.

“കാസമിറോയുടെ കാര്യത്തിൽ ഞാൻ വളരെയധികം സന്തോഷവാനാണ്. അദ്ദേഹം നടത്തിയ ട്രെയിനിങ്ങും ടീമിനെ സഹായിച്ച രീതിയുമൊക്കെ വലിയ ഒരു ഉദാഹരണമാണ്.അദ്ദേഹം ഞങ്ങളോടൊപ്പം ഉള്ളത് വലിയ സന്തോഷം നൽകുന്ന കാര്യമാണ്. ലിവർപൂളിനെതിരായ മത്സരത്തിലെ തോൽവിക്ക് കുറ്റപ്പെടുത്തപ്പെട്ടത് അദ്ദേഹമായിരുന്നു.അത് അദ്ദേഹത്തോട് കാണിച്ച നീതികേടായിരുന്നു. ഒരിക്കലും ശരിയായിരുന്നില്ല അത്. ഞങ്ങൾക്ക് എല്ലാവർക്കും അദ്ദേഹം ഒരു ഉദാഹരണമാണ് “ഇതാണ് യുണൈറ്റഡ് പരിശീലകൻ പറഞ്ഞിട്ടുള്ളത്.

കാസമിറോ ഫോമിലേക്ക് തിരിച്ചെത്തിയത് യുണൈറ്റഡിന് സന്തോഷം നൽകുന്ന കാര്യമാണ്. ഇനി യുണൈറ്റഡ് അടുത്ത മത്സരത്തിൽ ചെൽസിയെയാണ് നേരിടുക. ആ മത്സരത്തിലും നിസ്റ്റൽ റൂയി തന്നെ ടീമിനെ പരിശീലിപ്പിക്കും എന്നാണ് പ്രതീക്ഷിക്കപ്പെടുന്നത്.അതേസമയം അതിനു മുന്നേ റൂബൻ അമോറിം ചുമതലയേൽക്കുമോ എന്നത് കാത്തിരുന്നു കാണേണ്ട കാര്യമാണ്.