ഗർനാച്ചോ ക്രിസ്റ്റ്യാനോയെ പോലെയല്ല,എന്നെ പോലെ:നാനി

മാഞ്ചസ്റ്റർ യുണൈറ്റഡിന് വേണ്ടി തകർപ്പൻ പ്രകടനം പുറത്തെടുക്കുന്ന അർജന്റൈൻ യുവ പ്രതിഭയാണ് അലജാൻഡ്രോ ഗർനാച്ചോ. കഴിഞ്ഞ ചെൽസിക്കെതിരെയുള്ള മത്സരത്തിൽ ഇരട്ട ഗോളുകൾ നേടാൻ ഗർനാച്ചോക്ക് സാധിച്ചിരുന്നു. തുടർന്ന് അദ്ദേഹം റൊണാൾഡോയുടെ ബോർഡ് സെലിബ്രേഷനായിരുന്നു അനുകരിച്ചിരുന്നത്.ക്രിസ്റ്റ്യാനോ റൊണാൾഡോയുടെ ഒരു കടുത്ത ആരാധകനാണ് ഗർനാച്ചോ.റൊണാൾഡോക്കൊപ്പം കളിക്കാനുള്ള ഭാഗ്യം അദ്ദേഹത്തിന് ലഭിക്കുകയും ചെയ്തിട്ടുണ്ട്.

മാത്രമല്ല റൊണാൾഡോയുടെ പിൻഗാമിയായി കൊണ്ടുപോലും പലരും അദ്ദേഹത്തിന്റെ വാഴ്ത്തുന്നുണ്ട്. ആദ്യതവണ യുണൈറ്റഡിൽ ഉണ്ടായിരുന്ന റൊണാൾഡോയെ പോലെയാണ് ഇപ്പോഴത്തെ ഗർനാച്ചോ എന്ന താരതമ്യങ്ങളും സജീവമാണ്. എന്നാൽ യുണൈറ്റഡിന്റെ മുൻ സൂപ്പർതാരമായ നാനി ഇത് നിഷേധിച്ചിട്ടുണ്ട്.ഗർനാച്ചോ റൊണാൾഡോയെ പോലെയല്ല, മറിച്ച് തന്നെ പോലെയാണ് എന്നാണ് നാനി പറഞ്ഞിട്ടുള്ളത്.അദ്ദേഹത്തിന്റെ വാക്കുകൾ ഇങ്ങനെയാണ്.

“ഗർനാച്ചോ എന്നെ തന്നെയാണ് ഓർമ്മിപ്പിക്കുന്നത്. ഞാൻ അണിഞ്ഞിരുന്ന പതിനേഴാം നമ്പർ ജേഴ്സി തന്നെയാണ് അദ്ദേഹവും നേരത്തെ അണിഞ്ഞിരുന്നത്.ഈ സീസണിൽ നമ്പർ മാറ്റിയപ്പോൾ കൂടുതൽ മികച്ച പ്രകടനം അദ്ദേഹം നടത്തുന്നു.ഡിഫൻഡർമാരെ ഒരിക്കലും അദ്ദേഹം ഭയപ്പെടുന്നില്ല. തന്റെ പ്രകടനം മെച്ചപ്പെടുത്താൻ അദ്ദേഹത്തിന് ഇനിയും ഒരുപാട് സമയം ഉണ്ട്.ഒരു വലിയ ഭാവി അദ്ദേഹത്തിനുണ്ട്. യുണൈറ്റഡിൽ ഉണ്ടായിരുന്ന ക്രിസ്റ്റ്യാനോ റൊണാൾഡോയെക്കാൾ അദ്ദേഹത്തിന്റെ പ്രകടനം എന്റെ പ്രകടനവുമായാണ് സാമ്യമുള്ളത്. ക്ലബ്ബിന് കിരീടങ്ങൾ നേടിക്കൊടുക്കാൻ അദ്ദേഹത്തിന് ഭാവിയിൽ കഴിയുമെന്ന് ഞാൻ പ്രതീക്ഷിക്കുന്നു ” ഇതാണ് നാനി പറഞ്ഞിട്ടുള്ളത്.

2007 മുതൽ 2015 വരെ മാഞ്ചസ്റ്റർ യുണൈറ്റഡ്നു വേണ്ടി കളിച്ചിട്ടുള്ള താരമാണ് നാനി. അതേസമയം ഈ സീസണൽ മികച്ച പ്രകടനം ഗർനാച്ചോ പുറത്തെടുക്കുന്നുണ്ട്. ഏഴ് ഗോളുകളും മൂന്ന് അസിസ്റ്റുകളും അദ്ദേഹം പ്രീമിയർ ലീഗിൽ മാത്രമായി നേടിയിട്ടുണ്ട്.