ഗോൾ വേട്ട തുടർന്ന് ലയണൽ മെസ്സി,MLS ലും വിജയിച്ച് ഇന്റർ മയാമി.

ഇന്ന് MLS ൽ ഒരല്പം മുമ്പ് നടന്ന മത്സരത്തിൽ ഇന്റർ മയമിക്ക് വിജയം. എതിരില്ലാത്ത രണ്ട് ഗോളുകൾക്കാണ് ന്യൂയോർക്ക് റെഡ് ബുൾസിനെ അവർ പരാജയപ്പെടുത്തിയത്. സൂപ്പർ താരം ലയണൽ മെസ്സി,ഡിയഗോ ഗോമസ് എന്നിവരാണ് ഇന്റർ മയാമിക്ക് വേണ്ടി ഗോളുകൾ നേടിയത്. ഒരു വലിയ ഇടവേളക്ക് ശേഷമാണ് മേജർ ലീഗ് സോക്കറിൽ മയാമി വിജയിക്കുന്നത്.

ലയണൽ മെസ്സിക്ക് സ്റ്റാർട്ടിങ് ഇലവനിൽ ഇന്ന് ഇടം ലഭിച്ചിരുന്നില്ല.അദ്ദേഹത്തിന് വിശ്രമം നൽകുകയായിരുന്നു. ആദ്യ പകുതിയിൽ ഡിയഗോ ഗോമസ് നേടിയ ഗോളിലൂടെ ഇന്റർ മയാമി മുന്നിൽ എത്തുകയായിരുന്നു. രണ്ടാം പകുതിയുടെ അറുപതാം മിനിട്ടിലാണ് മെസ്സി കളത്തിലേക്ക് വന്നത്. പിന്നീട് മത്സരം അവസാനിക്കാൻ മിനിറ്റുകൾ മാത്രം ശേഷിക്കെ മെസ്സിയുടെ ഗോളും വന്നു.ക്രമാശിയുടെ അസിസ്റ്റിൽ നിന്നാണ് ലയണൽ മെസ്സി ഗോൾ നേടിയത്.ഇങ്ങനെ രണ്ട് ഗോളുകൾക്കാണ് ഇന്റർമയാമി വിജയിച്ചത്.

ഇപ്പോൾ പോയിന്റ് ടേബിളിൽ പതിനാലാം സ്ഥാനത്താണ് ഇന്റർമയാമി ഉള്ളത് 23 മത്സരങ്ങളിൽ നിന്ന് 21. ആണ് അവർക്ക് ഉള്ളത്. അടുത്ത മത്സരത്തിൽ നാഷ്‌വിൽ എസ്സിയാണ് ഇന്റർ മയാമിയുടെ എതിരാളികൾ.