നെയ്മർ അൽ ഹിലാലിലേക്ക്,ജേഴ്‌സി ചവറ്റുകുട്ടയിലെറിഞ്ഞ് ബാഴ്സ ആരാധകൻ!

എഫ്സി ബാഴ്സലോണയുടെ ആരാധകർക്ക് ഇത് നിരാശയുടെ കാലമാണ്.സൂപ്പർ താരം ലയണൽ മെസ്സി ബാഴ്സയിലേക്ക് തന്നെ തിരിച്ചെത്തും എന്നായിരുന്നു അവരുടെ പ്രതീക്ഷകൾ. എന്നാൽ പ്രതീക്ഷകൾക്ക് വിപരീതമായി കൊണ്ട് മെസ്സി ഇന്റർ മയാമിയിലേക്ക് പോവുകയായിരുന്നു.അത് അവരെ വളരെയധികം നിരാശരാക്കിയിരുന്നു.

അതിന് പിന്നാലെയാണ് നെയ്മർ ജൂനിയർ ബാഴ്സയിലേക്ക് തിരിച്ചെത്തുമെന്ന വാർത്തകൾ സജീവമായത്. സാമ്പത്തിക പ്രശ്നങ്ങൾ ഉണ്ടെങ്കിലും അതെല്ലാം അഡ്ജസ്റ്റ് ചെയ്തുകൊണ്ട് നെയ്മറെ കൊണ്ടുവരാൻ ബാഴ്സക്ക് കഴിയുമെന്ന് ആരാധകർ പ്രതീക്ഷിച്ചിരുന്നു.പക്ഷേ അതും ഇപ്പോൾ സംഭവിക്കുന്നില്ല. നെയ്മർ ജൂനിയർ സൗദി അറേബ്യൻ ക്ലബ്ബായ അൽ ഹിലാലിലേക്ക് പോവുകയാണ്.പിഎസ്ജിക്ക് ട്രാൻസ്ഫർ ഫീ നൽകാൻ ബാഴ്സക്ക് സാധിക്കാത്തതിനാലാണ് ഇപ്പോൾ നെയ്മർക്ക് അൽ ഹിലാലിനെ പരിഗണിക്കേണ്ടി വന്നത് എന്നാണ് അറിയാൻ സാധിക്കുന്നത്.

ഏതായാലും നെയ്മർ ജൂനിയറെ ഇഷ്ടപ്പെടുന്ന ഒരു ബാഴ്സലോണ ആരാധകൻ ഒരു ജഴ്സി വാങ്ങിച്ചിരുന്നു.ഈ സീസണിലെ ബാഴ്സയുടെ ജേഴ്സിയാണ് അദ്ദേഹം വാങ്ങിച്ചത്.പക്ഷേ നെയ്മറുടെ പേരായിരുന്നു ആ ജേഴ്സിയിൽ ആലേഖനം ചെയ്തിരുന്നത്. നെയ്മർ ജൂനിയർ തിരികെയെത്തും എന്നുള്ള പ്രതീക്ഷയിൽ ആ ജേഴ്സി ധരിച്ചുകൊണ്ടുള്ള ഒരു ചിത്രം അദ്ദേഹം ആദ്യം സോഷ്യൽ മീഡിയയിൽ പങ്കുവെച്ചിരുന്നു.എന്നാൽ നെയ്മർ ജൂനിയർ അൽ ഹിലാലിലേക്കാണ് പോകുന്നത് എന്നുള്ള വാർത്ത ഇദ്ദേഹത്തെ നിരാശനാക്കി.

പിന്നീട് മറ്റൊരു ചിത്രം അദ്ദേഹം പങ്കുവെച്ചിട്ടുണ്ട്. അതായത് നെയ്മറുടെ ആ ബാഴ്സ ജേഴ്സി ചവറ്റുകുട്ടയിൽ എറിഞ്ഞിരിക്കുന്ന ഒരു ചിത്രമാണ് അദ്ദേഹം പങ്കുവെച്ചിട്ടുള്ളത്.നെയ്മർ ബാഴ്സയിലേക്ക് വരാത്തതിൽ അദ്ദേഹം കടുത്ത നിരാശനാണ്. ഏതായാലും നെയ്മറുടെ ആരാധകർക്കും സന്തോഷം നൽകുന്ന ഒരു കാര്യമല്ല ഈ നീക്കം.31ആം വയസ്സിൽ തന്നെ നെയ്മർ ജൂനിയർ യൂറോപ്പ്യൻ ഫുട്ബോൾ അവസാനിപ്പിക്കുന്നത് ആരാധകർക്ക് വളരെയധികം സങ്കടമുണ്ടാക്കുന്ന കാര്യമാണ്.