PSGയിൽ പോകുമ്പോൾ സൂക്ഷിക്കുക, മെസ്സിയുടെ അനുഭവം നോക്കുക: സ്ക്രിനിയറോട് മറ്റരാസി!
വരുന്ന സമ്മർ ട്രാൻസ്ഫർ വിൻഡോയിലാണ് ഇന്റർ മിലാന്റെ പ്രതിരോധനിര താരമായ മിലാൻ സ്ക്രിനിയറുടെ ക്ലബുമായുള്ള കോൺട്രാക്ട് അവസാനിക്കുക. ഈ കരാർ പുതുക്കാൻ അദ്ദേഹം താല്പര്യപ്പെടുന്നില്ല. ഫ്രീ ഏജന്റായി കൊണ്ട് ഫ്രഞ്ച് വമ്പൻമാരായ പിഎസ്ജിയിലേക്ക് ചേക്കേറാനാണ് അദ്ദേഹം ഉദ്ദേശിക്കുന്നത്.പിഎസ്ജിയുമായി താരം പ്രീ എഗ്രിമെന്റിൽ എത്തുകയും ചെയ്തിട്ടുണ്ട്.
എന്നാൽ മിലാൻ സ്ക്രിനിയർക്ക് മുന്നറിയിപ്പ് നൽകിക്കൊണ്ട് ഇറ്റാലിയൻ ഇതിഹാസമായ മാർക്കോ മറ്റരാസി രംഗത്ത് വന്നിട്ടുണ്ട്.പിഎസ്ജി ആരാധകർ താരത്തെ സ്നേഹിക്കും എന്നുള്ള കാര്യത്തിൽ യാതൊരുവിധ ഉറപ്പുമില്ലെന്നും മെസ്സിയുടെ കാര്യം തന്നെ നോക്കൂ എന്നുമാണ് മറ്റരാസി പറഞ്ഞിട്ടുള്ളത്. അദ്ദേഹത്തിന്റെ വാക്കുകളെ RMC സ്പോർട് റിപ്പോർട്ട് ചെയ്യുന്നത് ഇങ്ങനെയാണ്.
” വളരെ സ്ട്രോങ്ങ് ആയിട്ടുള്ള ഒരു ഡിഫൻഡർ ആണ് സ്ക്രിനിയർ. ടീമിനെ നല്ല നിലയിൽ സഹായിക്കാൻ അദ്ദേഹത്തിന് സാധിക്കുന്നുണ്ട്.ഒരുപാട് ഇംപ്രൂവ് ആയിട്ടുണ്ട്. മാത്രമല്ല ക്യാപ്റ്റൻ എന്ന നിലയിൽ വളരെ മികവിലുമാണ്. പക്ഷേ ഇന്റർ മിലാനിൽ അദ്ദേഹം തുടരാനാണ് ഞാൻ ആഗ്രഹിക്കുന്നത്.മിലാൻ ആരാധകർ അദ്ദേഹത്തെ വളരെയധികം സ്നേഹിക്കുന്നു. ആ സ്നേഹം പാരീസിൽ കിട്ടുമോ എന്നുള്ള കാര്യത്തിൽ എനിക്ക് സംശയമുണ്ട്.ലോകത്തെ ഏറ്റവും മികച്ച താരമായ ലയണൽ മെസ്സിയുടെ ഗതി തന്നെ ഇപ്പോൾ നോക്കൂ “മറ്റരാസി പറഞ്ഞു.
🗣 Materazzi critique le transfert de Skriniar au PSG : "Je lui ai dit: 'rappelle-toi comme les supporters de l'Inter t'ont aimé, je ne sais pas si tu seras aimé comme ça à Paris'. Il suffit de voir ce qu'il se passe avec Messi."https://t.co/z85jCu0Z95
— RMC Sport (@RMCsport) April 17, 2023
മെസ്സിയും പിഎസ്ജി ആരാധകരും തമ്മിലുള്ള ബന്ധം നല്ല നിലയിൽ അല്ല ഇപ്പോൾ ഉള്ളത്. ഒരുപാട് തവണ ആരാധകർ മെസ്സിയെ കൂവിയിരുന്നു . അതുകൊണ്ടുതന്നെ മത്സരശേഷം ആരാധകരെ അഭിവാദ്യം ചെയ്യാതെയാണ് ഇപ്പോൾ മെസ്സി കളിക്കളം വിടാറുള്ളത്.
