അടുത്ത സീസണിൽ ഒരുമിച്ച് കളിക്കാനാവുമെന്ന് പ്രതീക്ഷ: മെസ്സിയെക്കുറിച്ച് ലെവന്റോസ്ക്കി!

സൂപ്പർ താരം ലയണൽ മെസ്സി അടുത്ത സീസണിൽ ബാഴ്സയിലേക്ക് തന്നെ തിരിച്ചെത്തും എന്നുള്ള വാർത്തകൾ ഇപ്പോൾ സജീവമാണ്. മെസ്സിയെ തിരികെ എത്തിക്കാനുള്ള ശ്രമങ്ങൾക്ക് ബാഴ്സ തുടക്കം കുറിച്ചിട്ടുണ്ട്.എല്ലാ പ്രശ്നങ്ങളും പരിഹരിച്ചുകൊണ്ട് മെസ്സിയെ എത്തിക്കാൻ കഴിയും എന്നുള്ള പ്രതീക്ഷയിലാണ് ബാഴ്സയുള്ളത്.

ബാഴ്സയിലെ സൂപ്പർതാരമായ റോബർട്ട് ലെവന്റോസ്ക്കി മെസ്സിക്കൊപ്പം കളിക്കാനുള്ള ആഗ്രഹത്തിലാണ്. അടുത്ത സീസണിൽ മെസ്സിക്കൊപ്പം കളിക്കാൻ കഴിയുമെന്നുള്ള ഒരു പ്രതീക്ഷ ലെവന്റോസ്‌ക്കി ഇപ്പോൾ പങ്കുവെച്ചിട്ടുണ്ട്. അദ്ദേഹത്തിന്റെ വാക്കുകളെ ഗോൾ ഡോട്ട് കോം റിപ്പോർട്ട് ചെയ്യുന്നത് ഇങ്ങനെയാണ്.

“മെസ്സി എപ്പോഴും ബാഴ്സയുമായി ബന്ധപ്പെട്ട് കിടക്കുന്ന ഒരു താരമാണ്.അദ്ദേഹം ബാഴ്സയിലേക്ക് തിരിച്ചുവന്നാൽ അത് ഇൻക്രെഡിബിൾ ആയ ഒരു കാര്യം തന്നെയായിരിക്കും.ബാഴ്സലോണയിലാണ് മെസ്സിയുടെ സ്ഥാനം എന്നുള്ളത് നമുക്കെല്ലാവർക്കും അറിയാം.എന്താണ് സംഭവിക്കുക എന്നറിയില്ല.പക്ഷേ അടുത്ത സീസണൽ മെസ്സിക്കൊപ്പം കളിക്കാൻ കഴിയും എന്നുള്ള പ്രതീക്ഷയിലാണ് ഞാൻ ” റോബർട്ട് ലെവന്റോസ്ക്കി പറഞ്ഞു.

17 ഗോളുകളും ആറ് അസിസ്റ്റുകളും ഈ ലാലിഗയിൽ നേടാൻ ലെവന്റോസ്ക്കിക്ക് കഴിഞ്ഞിട്ടുണ്ട്.അതേസമയം മെസ്സിയും പാരീസിൽ മികച്ച പ്രകടനമാണ് നടത്തുന്നത്.മെസ്സി ബാഴ്സയിലേക്ക് തിരിച്ചെത്തിയാൽ അത് ലെവന്റോസ്ക്കിയെ സംബന്ധിച്ചിടത്തോളം വളരെയധികം ഗുണകരമായ ഒരു കാര്യമായിരിക്കും.