10 വർഷമായി ഒരേ ഫോൺ തന്നെ ഉപയോഗിക്കുന്നു: കാന്റെയെക്കുറിച് ചെൽസി സൂപ്പർ താരം പറയുന്നു!

സമീപകാലത്ത് ചെൽസി സ്വന്തമാക്കിയ നേട്ടങ്ങളിൽ എല്ലാം വലിയ പങ്കുവഹിച്ചിട്ടുള്ള അവരുടെ സൂപ്പർതാരമാണ് എങ്കോളോ കാന്റെ. 2018ലെ ലോക ചാമ്പ്യനായ കാന്റെ സമീപകാലത്ത് പരിക്കിന്റെ പിടിയിലായിരുന്നു. എന്നിരുന്നാലും താരത്തിന്റെ സാന്നിധ്യം ചെൽസിക്ക് എപ്പോഴും പ്രതീക്ഷ നൽകുന്ന കാര്യമാണ്.

ചെൽസി സൂപ്പർ താരമായ കായ് ഹാവെർട്സ് തന്റെ ചില സഹതാരങ്ങളുടെ സവിശേഷതകളെക്കുറിച്ചും വ്യക്തിത്വത്തെക്കുറിച്ചും സംസാരിച്ചിട്ടുണ്ട്.എങ്കോളോ കാന്റെ,ടോണി ക്രൂസ് എന്നിവരെക്കുറിച്ച് ചില കാര്യങ്ങൾ പങ്കുവെച്ചിട്ടുണ്ട്.കഴിഞ്ഞ 10 വർഷമായി ഒരേ ഫോൺ തന്നെ ഉപയോഗിക്കുന്ന ഒരു വ്യക്തിയാണ് കാന്റെ എന്നാണ് ഹാവെർട്സ് ഇപ്പോൾ പറഞ്ഞിട്ടുള്ളത്.അദ്ദേഹത്തിന്റെ വാക്കുകൾ ഇങ്ങനെയാണ്.

” ഒരുപാട് പണം അനാവശ്യമായി ചിലവഴിക്കുന്ന ചില വ്യക്തികളെ ഞാൻ കണ്ടിട്ടുണ്ട്. മറ്റുള്ളവർ എന്ത് കരുതുന്നു എന്നതിനെപ്പറ്റി യാതൊരുവിധ ചിന്തയും ഇല്ലാത്ത താരങ്ങളെയും ഞാൻ കണ്ടിട്ടുണ്ട്.വളരെ വ്യത്യസ്തമായ വ്യക്തിത്വങ്ങളെ ഞാൻ കണ്ടുമുട്ടിയിട്ടുണ്ട്.ടോണി ക്രൂസ് എപ്പോഴും വളരെ സിമ്പിൾ ആയ ഒരു മനുഷ്യനാണ്. ഫുട്ബോളിൽ മാത്രമാണ് അദ്ദേഹം ശ്രദ്ധ നൽകിയിരിക്കുന്നത്.കാന്റെ മറ്റൊരു താരമാണ്. കഴിഞ്ഞ 10 വർഷമായി ഒരേ മൊബൈൽ ഫോണാണ് കാന്റെ ഉപയോഗിക്കുന്നത്. കാറുകളിലോ വസ്ത്രങ്ങളിലോ ഒന്നും യാതൊരുവിധ താൽപര്യവും അദ്ദേഹത്തിന് ഇല്ല “ഹാവെർട്സ് പറഞ്ഞു.

വളരെ ലളിതമായ രീതിയിൽ ജീവിക്കുകയും പെരുമാറുകയും ചെയ്യുന്ന താരം കൂടിയാണ് കാന്റെ.അദ്ദേഹത്തെ പലർക്കും പ്രിയപ്പെട്ടതാക്കുന്നതും അദ്ദേഹത്തിന്റെ ഈ സ്വഭാവസവിശേഷതകൾ തന്നെയാണ്.