മെസ്സിയുടെ ഫ്രീകിക്ക് ഗോളാണ് ഞങ്ങൾക്ക് മോചനം നൽകിയത് :തുറന്ന് പറഞ്ഞ് പിഎസ്ജി സൂപ്പർ താരം!

തുടർച്ചയായ മൂന്ന് മത്സരങ്ങളിൽ പരാജയപ്പെട്ടു കൊണ്ടായിരുന്നു ഇന്നലത്തെ മത്സരത്തിനു വേണ്ടി പിഎസ്ജി കളത്തിൽ ഇറങ്ങിയിരുന്നത്. തുടക്കത്തിൽ തന്നെ പിഎസ്ജി 2 ഗോളുകൾ നേടിയതോടെ അനായാസ വിജയം പ്രതീക്ഷിച്ചു.എന്നാൽ ലില്ലി മൂന്ന് ഗോളുകൾ തിരിച്ചടിച്ചുകൊണ്ട് മത്സരം തങ്ങളുടെ വരുതിയിൽ ആക്കുകയായിരുന്നു. പക്ഷേ പിന്നീട് എംബപ്പേയും മെസ്സിയുമാണ് പിഎസ്ജിയെ വിജയത്തിലേക്ക് എത്തിച്ചത്.

ലയണൽ മെസ്സിയുടെ ഫ്രീകിക്ക് ഗോളാണ് പിഎസ്ജിക്ക് യഥാർത്ഥത്തിൽ വിജയം സമ്മാനിച്ചത്.ആ ഗോൾ തങ്ങൾക്ക് ഒരു മോചനം പോലെയാണ് അനുഭവപ്പെട്ടത് എന്നാണ് പിഎസ്ജിയുടെ മധ്യനിരയിലെ സൂപ്പർതാരമായ വീറ്റിഞ്ഞ പറഞ്ഞിട്ടുള്ളത്. എല്ലാവരും വിജയിക്കാൻ വേണ്ടി ആഗ്രഹിച്ചിരുന്നുവെന്നും വീറ്റിഞ്ഞ കൂട്ടിച്ചേർത്തിട്ടുണ്ട്. അദ്ദേഹത്തിന്റെ വാക്കുകൾ ഇങ്ങനെയാണ്.

” ഞങ്ങൾക്ക് വിജയിക്കാൻ സാധിച്ചിട്ടില്ലെങ്കിൽ അത് എല്ലാവർക്കും ഫീൽ ചെയ്യും.എല്ലാവരും ഞങ്ങൾ വിജയിക്കാൻ ആഗ്രഹിച്ചിരുന്നു. ലയണൽ മെസ്സിയുടെ ഗോൾ പിറന്നതോടുകൂടി എല്ലാവർക്കും ഒരു മോചനം പോലെയാണ് അത് അനുഭവപ്പെട്ടത്.ഞങ്ങൾ നന്നായി വിജയം ആഗ്രഹിച്ചിരുന്നു.അത് ഇന്ന് നേടാൻ കഴിഞ്ഞത് വളരെയധികം നല്ല ഒരു കാര്യമാണ് “ഇതാണ് വീറ്റിഞ്ഞ പറഞ്ഞിട്ടുള്ളത്.

നേരത്തെ ഒളിമ്പിക് മാഴ്സെ,മൊണാക്കോ,ബയേൺ എന്നീ ടീമുകളോട് പിഎസ്ജി തുടർച്ചയായി പരാജയപ്പെട്ടത്.ഇനി പിഎസ്ജി അടുത്ത മത്സരത്തിൽ ഒളിമ്പിക് മാഴ്സെയെ തന്നെയാണ് നേരിടുക. സൂപ്പർ താരം നെയ്മർ ജൂനിയർ ഈ മത്സരത്തിൽ പരിക്ക് മൂലം കളിച്ചേക്കില്ല. കഴിഞ്ഞ തവണ പിഎസ്ജി കോപേ ഡി ഫ്രാൻസിലായിരുന്നു മാഴ്സെയോട് പരാജയപ്പെട്ടത്.